LIMA ka mga balay ang naugdaw sa pagsilaub sa sunog sa Sityo Malinao, Barangay Carreta, siyudad sa Sugbo kagahapon sa buntag, Pebrero 14.
Si FCinsp. Josephus Alburo, ground commander sa fire scene, niingon nga nadawat ang alarma alas 6:14 sa buntag ug gisaka kini sa second alarm hangtud na third alarm sa sunog nga naa sa luyo sa City Health Office.
Ang niulbo sa alas 6:40 sa buntag ug gideklarar nga fire out pagka alas 6:52 sa buntag.
Dugang ni Alburo nga ang maong sunog nagikan sa panimalay nga naila sa pangalan nga Jomel.
Lima ka mga balay ang naugdaw samtang walo ka pamilya ang nawad-an ug pinuy-anan.
Gibanabana moabot sa P80 mil ang danyos sa sunog.
Sutaon pa usab sa Cebu City Departmen ang hinungdan sa maong sunog.
Samtang, junkshop sa Rough Riders Bus sa Barangay Subabasbas, dakbayan sa Lapu-Lapu nasunog pasado alas 10:00 sa buntang kagahapon, Pebrero 14, tulo ka bus nga junk na ang naugdaw.
Gibanabanang P30 mil ang danyos sa sunog. (BBT, GCM)