SUPERBALITA CEBU

2 patay: gidunggab sa liog, naghantak gitigbas sa ulo

DUHA ka parking attendants dapit sa Cebu City Hall ang nagkalalis nga nisangko sa pagpanunggab niadtong Huwebes sa gabii, Pebrero 13.

Si PCpl. Marlito Portugeza nga nahinabi sa mga tigbalita niingon nga ang biktima gidunggab sa liog ug namatay.

Nailhan ang biktima sa pangalan nga Erwin alyas Tagalog, hingkod na, naa lang sa daplin sa dalan tigkatugan.

Ang suspek giila nga si Carlito Baro, 35, ug molupyo sa Barangay Santo Niño, dakbayan sa Sugbo.

Matod ni Portugeza, ang igsuon niini nga si Gilbert, 31, maoy niila ni Baro nga iya mismo nga magulang maoy nagdunggab ni Erwin.

Si Gilbert kinsa naa namaligya og mga tinda sa dapit ug nakapangutana pa kon nganong gihansakan og kutsilyo ang liog si Erwin.

“Ako pa gali tong giingnan nganong iyang gidunggab si Erwin nga wala man nay sala nimo. Dayon sibat sa walay paglangan,” sulti sa igsuon.

Apan si Gilbert wala na mahibalo kon unsa ang ilang gilalisan.

Nahagba si Tagalog didto ra usab sa dapit ug namatay.

Ang suspek Baro dali nga nakasibat.

Sa laing bahin, patay ang biktima sa pagpanigbas pasado ala una sa hapon sa samang adlaw sa Sityo Almacen, Barangay Calamba.

Si PSSgt. Alvin Sisles niila sa biktima nga namatay nga si Rodolfo Cedino Jr., 40, molupyo sa dapit.

Ang suspek nailhan nga si Roderick Escraman, hingkod na, ug molupyo sa Sityo Baot, Barangay Catao, lungsod sa Sibonga.

Sa imbestigasyon sa San Nicolas Police Station 6, nasayran nga ang biktima kuyog ang laing duha pa ka mga lalake kinsa nagduwa og hantak daplin sa dalan nga bahin sa Sityo Almacen.

Ang suspek nga si Escraman nibaot sa dapit ug walay daghang istorya ug gitigbas niya si Cedino kinsa naigo sa likod nga bahin sa ulo.

Dugang ni Sisles, si Cedino buot unta modagan palayo apan nahagba siya. Nakahigayon pa sa pagtiwas sa pagdunggab ang suspek ngadto ni Cedino kinsa namatay. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph