SUPERBALITA CEBU

Nag-sex giataki

USA ka 40-anyos nga lalake ang giataki sa kasingkasing samtang naa sa kinatumyan sa iyang pakighilawas tali sa 20-anyos nga babaye sulod sa usa ka motel sa Barangay Guadalupe, dakbayan sa Sugbo kagahapon sa hapon, Biyernes, atol sa Valentines Day.

Ang Superbalita Cebu nipugong sa pangan sa duha ka mga binuhat lakip sa motel.

Usa ka opisyal sa motel nga nahinabi ning mantalaan nagkanayon nga alas 4:05 sa hapon sa Pebrero 14 nisulod sa motel ang duha.

“Pay as you order man mi, Sir. Actually nakabayad nato sila sa ilang kuwarto,” matod sa maong opisyal.

Three hours lang ang ilang gikuha nga oras o ang minimum hour sa motel kon mo-check-in sa kantidad nga P260 sa usa ka kwarto ug P120 sa matag oras kon molapas sa tulo ka oras. Asoy sa opisyal nga usa ka oras ang nakalabay, kalit lang nga nangayo og pakitabang ang babaye ug mipahibawo kalabot sa nahitabo sa iyang kuyog hinungdan nga nanawag na sila og tabang sa mga medical personnel.

“Mao to nga nanawag nami og Eruf (Emergency Rescue Unit Foundation) kay mao man gyud na ang among naandan,” asoy sa opisyal.

Dugang niya nga samtang wala pa ang Eruf, sila una ang moasikaso sa biktima.

“Pag-abot sa ospital, Sir, naa naman relatives mao na nga amo nang gitugyan nila ug kana nga bahin out nami ana,” dason niya.

Hangtod ning pagsuwat anaa pa usa ka pribadong ospital ang 40 anyos nga lalake ug padayong giobserbahan sa mga doktor.

Ang 20-anyos nga babaye sa usa ka guest relations officer (GRO) sa usa ka bar sa dakbayan,

Samtang, nasayran gikan sa samang opisyal sa motel nga wala nakabalda sa ilang operasyon ang insidente ug padayon ang pagpangdawat og daghang kustomer atol sa kasaulogan sa Valentine’s Day.

Sugod alas 10:00 sa miaging gabii hangtod na sa kaadlawon kagahapon, dason sa opisyal, daghang kustomer ang nangabot ug kanunay puno ang ilang lawak.

Si PCapt. Janelito Marquez, hepe sa Guadalupe Police Station, niingon nga nakadawat sila sa maong insidente apan nasuta nga nadala na sa tambalanan ang biktima.

Dugang ni Marquez nga magpaabot sila kon dunay moreklamo kabahin sa panghitabo aron mohimo usab sa ilang tukma nga aksiyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph