TRENTAY-UNO ka indibidwal nga may nagkadaiyang background sa kinabuhi nagkahiusa sa tumong nga makasilbi sa nasud, mahimong reservist.
Sa nakalabay nga Pebrero 9, human ang usa ka bulang intensibo nga pagbansay, pag-andam kanila sa pisikal, emosyonal ug mental, nakahuman ang 31 ka indibidwal ilawom sa Class 2019 (Sinag) sa Philippine Air Force Special Basic Citizen Military Training (SBCMT) nga gihimo sa 7th Air Reserve Center, Multi-purpose Hall.
Pinasidunggang bisita si 7th ARCen. Major General Connor Anthony D. Canlas SR AFP nga Commander sa Air Force Reserve Command isip Keynote Speaker.
“Nagstart kami October 2019 till February. May mga first aid, about intelligence, search and rescue and formation na parang ROTC siya,” niya sa pakighinabi sa Superbalita Davao.
Saysay ni Sky Bangoy Dionela nga usa sa nakahuman sa kurso nga nagkadaiyang pagtulun-an ang gipaambit kanila sa matag weekend nila nga sesyon sud sa usa ka bulan.
Dugang niya nga mas nadasig sab siyang mosalmot ug mahimong reservist tungod ang grupo aktibo sa mga community projects nga mao say gitutukan sa JCI Durian City, diin si Dionela kanhi presidente.
“Active kasi sila sa pagtulong sa community kaya I want to be a part ng group para mas marami pa talagang matulungan and we can also partner with them sa future projects.”
Aminadong lisud ang naagian, apan ni Dionela, “As reservist volunteerism lang man din to. Pagmamahal sa inang bayan lang jud and social responsibility.”
Saysay ni Dionela nga bisan nagkapuliki sila sa ilang training apan di kabayran ang mga kasinatian ug pagtulun-an nga ilang nakuha.
“Most memorable nung FTX (Field Training Exercise) namin kasi parang nasa totoong gyera ka, ano dapat ang tamang formation, mag-map reading ka, iba yung experience. Nakaka-proud yung mga soldiers natin.”
Sa pikas bahin, atol sa graduation ceremony, si Major General Canlas SR, miabi-abi sab sa mga personahe niini ug giatiman unsa mang panginahanglanon sa tropa.
Human sa gradwasyon, gisaw-an sa mga gradutes ang paniudto, uban ang mga opisyales ug bisita.