LALAKE nga dunay kasong frustrated murder nadakpan sa mga sakop sa City Mobile Force Company sa Cebu City Police Office pasado alas 12 Sabado sa udto, Pebrero 15, 2020 dihang gi- serve ang warrant of arrest.
Si Police Lt. Col. Randy Korret, commander sa CFMC, maoy nangu sa pagdakop kang Servado Duran, alyas Junjun, 28, taga sityo Kapyuan, Barangay Tabunan, bukirang dapit sa Dakbayan sa Sugbo.
Si Judge Jones Macabay sa Cebu City Regional Trial Court (RTC) maoy niisyu sa warrant of arrest sa kaso nga frustrated murder nga dunay girekomendar nga P200,000 nga piyansa. Si Duran nadakpan human nakabantay ang pulis nga nakaila ug naghawid sa warrant of arrest. / BBT