NAKATUTOK na karon ang atensyon sa Gilas Pilipinas alang sa ilang pag-asdang sa balwarte sa Indonesia karong Pebrero 23, 2020 alang sa first window sa FibA Asia Cup 2021 qualifiers sa Britama Arena sa Jakarta.
Nagkanayon si Gilas interim coach Mark Dickel nga saksak sinagol ang iyang gibati human nauswag ang pag-host unta sa Gilas sa Thailand karong Pebrero 20 sa Smart Araneta Coliseum.
Giangkon ni Dickel nga nasagmuyo siya nga nauswag ang ilang duwa batok sa Thailand gumikan kay nakapangandam na unta sila niini.
Nauswag ang duwa sa Gilas Pilipinas ug Thailand sa wala pa matino nga petsa gumikan sa hulga sa coronavirus disease (COVID-19) outbreak.
“Obviously, it does affect [us] because we are already starting to talk about the stuff that Thailand would do. But it also makes our job easier. We are just focusing on one opponent so we can focus all our resources and time on exactly what they do,” batbat ni Dickel sa interbyu sa Spin.ph.
“Disappointing because it would have been awesome to play a home game here in front of our fans. But it is what it is. We can’t control that. Just get ready to go over to Indonesia and find a way to play a good game and win.”
Apan sa samang higayon, malipayon ra sab si Dickel kay nakahatag kini kanila og dugang panahon aron makapangandam batok sa Indonesia.
“Obviously, we don’t have the first game now but just preparing for the second game. We get a couple of more days to prepare and go to Indonesia and figure a way to work it out,” matod ni Dickel.
Alang kang Dickel, nagkalig-on na ang puwersa sa Indonesia gumikan kay gawas nga gigiyahan kini ni Rajko Toroman, kanhi coach sa Gilas Pilipinas, posible sab kining makakuha og naturalized player nga si Lester Prosper, kinsa usa ka kanhi import sa Philippine Basketball Association (PBA).
“They are well-coached, really well-structured, and really disciplined. For us, to a certain extent, it makes it a little bit easier for us to focus on what they are going to do,” pasabot ni Dickel. / ESL