Ysalina bridge lighting gidagsa

ANG kinatibuk-an nga hulagway sa Ysalina Bridge sa siyudad sa Cagayan de Oro nga napuno sa mga lights. Ang pagpasiga niini gipahigayon niadtong Biyernes sa gabii atol sa kasaulogan sa Valentine's Day. (CIO)
ANG kinatibuk-an nga hulagway sa Ysalina Bridge sa siyudad sa Cagayan de Oro nga napuno sa mga lights. Ang pagpasiga niini gipahigayon niadtong Biyernes sa gabii atol sa kasaulogan sa Valentine's Day. (CIO)

GIDAGSA sa ubay-ubay ka mga katawhan ang laing dugang atraksiyon sa siyudad sa Cagayan de Oro labi na ang Ysalina lighting nga gopasiga mismo atol sa Valentine's day, Pebrero 14 sa Ysalina bridge ning siyudad.

Gibutyag ni Mayor Oscar Moreno nga pasigahon na kini panahon sa kagabhion matag gabii apan duna kini limitasiyon nga mga anaa sa alas 10:00 ug nanghinaot usab kini nga hangtod na ang pagpasiga niini nga tulay.

Gidugang ni Moreno nga kini ang pinakauna nga opisyal nga pagpasiga sa Ysalina bridge diin kanhi gisulayan lamang.

"Daghan mga instances in the past ilang gi-testingan pero kini gyud ang official lighting niya," matud ni Moreno.

Gibutyag usab niini nga daghan ang nitabang aron nga hingpit nga magmalampuson kini nga proyekto sama sa hapsay kable nga mao gyud ang naningkamot aron nga mahanaw ang mga kable sa maong tulay.

Gipasalamatan usab niini ang mga kompanya nga niabag sa lokal nga kagamhanan sa siyudad alang niini nga proyekto sama sa mga power companies, telecom, National Telecommunication Commission (NTC), pribadong mga kompanya ug ubang ahensiya.

"City government naa man pud support sa uban nga mga kompanya, actually spill over kini sa atong Christmas light, symphony of lights, daghan ang nagtabang naa tay na save dinhi nato giplastar," dugang pa.

Marcos bridge planong sunod pasigahon

HUMAN sa malampusong pagpasiga sa Ysalina bridge giplanohan usab sa lokal nga kagamhanan sa siyudad nga isunod sa pagpasiga ang Marcos bridge ning siyudad sa Cagayan de Oro.

Kini tungod na usab sa pangandoy nga mas paninduton ug palamboon pa ang dakbayan.

Gibutyag ni Mayor Oscar Moreno nga ambisyoso kini nga mga plano apan paningkamotan ug dako ang posibilidad nga matuman kini tungod sa pagtinabangay.

"Very ambitious but of course ato na na gihunahuna but certainly we need to do some more, paningkamotan gyud makaya man, nahimo man nato ni sunod siguro is Marcos bridge between Licoan and Liceo de Cagayan University," matud ni Moreno.

Samtang gikalipay kini og dako sa tsirman sa komitiba sa turismo sa siyudad labi na ni Konsehal Jay Roa Pascual nga hingpit na ang pagpasiga sa Ysalina bridge ug naglaom nga dili kini ang una ug kataposan nga tulay ang mapanindot.

"Dako kaayo atong gitabang pud sa siyudad kay para ma beautify gyud ang atong Cagayan de Oro, as our mayor said nga we will bring Cagayan de Oro to greater heights so apilon pud nato atong mga tourist destinations, atong iconic bridge, atong mga parks ato gyud na palamboon," matud ni Pascual.

Giingong gikalipay niini nga sulod sa pila ka katuigan hingpit na nga napanindot ang tulay.

"Dako kaayo akong kalipay as the Chairman on committee on tourism for 35 years sa akong existence dinhi sa Cagayan de Oro makita na gyud nato nga atong Carmen bridge nagwapo na gyud," dugang pa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph