SUPERBALITA CAGAYAN DE ORO

Hotel naisyuhan sa RCB

ANG mga sakop sa Regulatory and Compliance Board (RCB) nisusi sa mga motel, hotel, inn ug uban pang mga balay pahulayan atol sa Valentine's Day. (Kris Sialana)

USA sa mga dakong hotel ning siyudad sa Cagayan de Oro ang na-isyuhan og official violation receipt (OVR) sa pagsusi sa Regulatory Compliance Board (RCB) atol sa Valentine's Day.

Nakita nga nakalapas sa gipatuman nga regulasiyon ang maong hotel diha sa pag-logbook alang sa mga menor de edad nga kauban ang ilang mga pamilya nga mag-check in.

Gibutyag ni Antonio Resma Jr., Inspectorate Team Leader sa RCB nga importante ang logbook tungod kay ginadili gyud ang menor de edad sa mga patigayon sama sa hotel, inn, motel, mga imnanan, ug uban pa ug pangayoan usab kini sila og identipikasiyon.

Upat ka mga patigayon ang gibisita ug halos usab niini nikooperar man usab gawas lang ning usa nga walay logbook alang sa menor de edad.

Nagpahimangno usab kini sa mga patigayon nga mosunod sa regulasiyon ug kinahanglan usab ang mga menor de edad nga dili na mosulod niini nga mga patigayon tungod kay alang lang usab kini sa ilang kaugmaon.

Gipasabot usab niini nga dili sila anti-business ug alang lang kini sa kaayohan sa tanan gani aron nga kini mapadayon ang pagka child friendly city sa siyudad nga hugot nila nga kampanya.

Maobserbahan usab nga halos fully book usab ang mga patigayon sa dakbayan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph