Volleyball star apil sa Miss U-Phils.

SA MAKAUSA pa, ang inilang balibolista sa nasod nga si Michele Gumabao mosuway na usab pag-ugkat og kahigayonan nga maka-representar sa nasod sa Miss Universe competition.

Duha ka tuig human midaog sa 2018 Binibining Pilipinas Miss Globe contest, ang Creamline volleyball team standout, kinsa usa sa naggiya sa ilang kampiyonato sa 2019 Premier Volleyball League Open Conference, mobalik sa indigay sa kaanyag nga magrepresentar sa Quezon City sa Miss Universe Philippines competition.

Sa Biyernes sa Manila Hotel, usa si Gumabao sa 52 ka mga kandidata nga pormal ipaila sa publiko. Ang coronation night himuon sa Mayo 3. (JBM)