Noy Kulas,

First of all, good day to you and to all your readers.It’s Darkgay again and I really need your advice regarding my adviser at a certain school diri sa Mandaue nga tagu-on lang nato sa ngan nga Ms.Briber.

Daghan na ni siya og nakawkaw bisag piso-piso lang unya 60 plus baya mi ka students. Dako sad siya basta matigom, apan amo nalang gibaliwala kay tumoy ra gud mi sa ballpen. Apan dina ni maayo kay hasta ang book nako nga nawala sa classroom nga nakit-an niya iyang pabayran. Pagkahibawo nako nga naa niya ang akong book nga nawala nangutana ko niya kon naa ba siyay nakit-an nga book. Tubag niya nga ‘’wala’’ daw.

Click here for Election 2010 updates

Daghan bayag nakahibawo nga naa niya akong book. Inig paningil gani niya moana akong classmate nga ‘’ingna oi! nga naa nimo akong libro.’’ Ni-respect baya ko niya. Lain sad baya kaayo kon molargo lang ko niya og sulti infront of my classmates.

Ang book ra ba is worth almost P400. Ingon ako parents nga di daw sila mobayad kay naa man niya. Ang akong pangutana makabayad ba gyud ko sa akong book?

Ikaduha naa bay law nga maka-protect sa students sa mga ingon ani nga sitwasyon? Gi-record baya nako ang voice sa ako classmate para di siya maka-deny nga siya ang nag-tell nako.

Ikatulo nga pangutana makick-out ba ko if ako siya ipa-media? Hapit na ra ba ang final exam unya di ko ka-take if dili kabayad sa book. Sure gyud ko nga naa niya ang book kay sinaligan baya niya ang akong source. Nagplano na baya ko nga ‘’to get her key sa cabinet’’ basin naa didto niya tagoi akong book. I admit nga its my fault ngano wa ko nag-care sa book. Matawag ba nga punishment ra ang iyang gibuhat nga she always reminds me regarding the payment of the book and its price? I really need your advice as soon as possible.

More power and God bless sa imong column ug sa SB. Thank you.

DARKGAY

Darkgay,

Maayong adlaw nimo ug sa imong classmates. Hinaot pa unta nga di pa uwahi kaayo ning akong tubag. Nalubong man gud ning imong e-mail sa akoa. Anyway, makakat-on man sab ang readers og pagtulun-an ini on how to deal with teachers.

Sa una, di gyud ko mapiit sa teachers nga duna say kinwanggol kay naa man gyuy mga tawo nga ingon sab niana. Unsay akong gibuhat aron di ko ma-harass? Nagtuon ko aron di ko mapiit anang giingon nga tumoy lang sa ballpen. Scores show kon ma-harass ka ba o di. Kon maayo ang scores nimo sa tests, di ka mapiit sa ilang ballpen.

Ikaduha, ang mao nga matang sa teachers dali rang maigo kon maghiusa mong mga tinun-an ug parents sa pagreklamo batok kaniya. I tell you, bisan pipila lang ka buok ang moreklamo, maigo man gyud na siya. Ayaw pagtuo nianang iyang hulga tungod kay di na tinuod. Way binuang nga molungtad, kana kon kamo magpakabana.

Ikatulo, kon naa gyud niya ang libro and you have the proof, kuhaa gikan niya. Kon masuko siya., dangop mo sa administration o sa PTCA. Pagpakabana aron di na mogara. Naa ka man sa posisyon nga di angay mahadlok kaniya.

NOY KULAS