USA ka tigmina sa bukirang bahin sa San Fernando padayon nga nag-abag sa mga nakabenepisyo sa panginabuhiang natanyag niini pinaagi sa pag-giya pa nila kung unsaon pagpadagan sa pamatigayon.
Gihatagan sa Solid Earth Development Corp. (SEDC) ang mga sakop sa San Agustin de Hippo Environmental Stewards, nga kasagaran taga-Barangay Magsico, og seminar sa “Simple Bookkeeping and Business Management.”
Giudlo-an sila nilang Anne Loren V. Carillo, Hazel G. Geonzon ug Klea Sol I. Estrellada, mga accountant sa SEDC, uban sa mga nakadawat sa Backyard Hog Raising Livelihood Project sa Barangay Tonggo, kung unsaon mapadagan pa’g maayo ang ilang panginabuhi-an.
Pinaagi sa learning-by-doing, gihatagan nila ang 38 nga misalmot og mga pamansay aron mas masabtan nila ang mga pinsipyo sa tibook adlaw ni’ng bag-o pa lang didto sa junior staff house sa primerang kliyente sa SEDC, ang Taiheiyo Cement Philippines, Inc. (TCPI), sa may South Poblacion.
Ang mga hinisgutan naglakip sa pagsabot unsaon pagpamalanse, paggamit sa cash books uban sa tukmang pagtala sa mga dokumento, pagkwinta sa kita batok sa na-alkanse, ug ingon man unsaon pag-gasto ug presyo, mibutyag si Mitzie Almira I. Carin, tadguma sa human resources and administration division sa SEDC.
Gikahimuot ni Delia T. Suico, 60, tagbalay apan biyuda, sa iyang mga nakat-onan. Doc Nielsen Donato and Doc Ferds Recio Gipasalamatan niya ang SEDC sa mga kahigayunan nga iyang nabaton. “Sa pagbuhi’g baboy, anaa mi’y kalingawan ug kakuhaan og gamay nga panginabuhian.”
Laing tagbalay, Lillian May L. Tapuyao, 55, mipa-ambit nga nakat-onan niya ang angay nga buhaton sa pagpamatigayon. “Maayo nga itamla gyud tanan cash flow, maka hibaw gyud ka unsay dagan sa imong negosyo,” dason niya.
Ang nakabase sa parokya nga Environment Stewards mipadayag sab sa ilang pasalamat sa padayong pag-abag sa SEDC sud na sa kapin duha na ka tuig sa dihang misugod sila sa paghimo og mga Mzuri nga kwintas gikan sa mga mantaalaang ginamit na, ug mga kandila gikan sa ginamit nga mga lanang pangluto.
Ingon sila nga gamiton gyud nila ang ilang mga nakat-onan sa pagtuon, samtang padayon sab sila nga mohimo og specialty paper, ug uling gikan sa ginamit nga mga papel. (PR)