DEAR Noy Kulas,
Tawga lang ko sa alyas nga Loy, 32 years old na ug minyuonon. Kining akong issue parte ni sa virginity.
Naa koy boyfriend for three years. Sud sa three years namong relationship, wa ko niya mahilabti until nga nagkasabot ming magminyo ug gi set na namo ang tanan para sa kasal. Ready na kaayo mi. Nakonsensya ko sa akong secret mao nga ako siyang gisultihan nga di na ko virgin kay nakuha na ko sa miagi nakong uyab nga two years. Once ra sab to nahitabo namo.
Nasuko kaayo siya nako kay nganong wa ko mosulti niya nga naa nay nakauna nako. Giantos kuno niya ang three years nga wa ko niya hilabti kay grabe ang iyang respeto kanang mobalibad ko niya, di siya modayon. Nangayo na ko og sorry niya pero nasuko gyud siya nako.
Wa na mi communication sukad sa among pag-meet nga ako siyang gitug-anan. Ambot madayon pa ba ang among kasal kay ang akong text ug tawag wa na niya tubaga. Sakit baya kay three years ming on nga way kakulian pero naguba lang sa akong pagsulti niya. Unsa may akong buhaton, Noy Kulas? Mamugos ba ko kon di na idayon ang among kasal. Mabuang gyud ko.
Loy
Loy,
Sa pagsugod pa lang, imo na unta siyang gisultihan sa nahitabo nimo or kadtong ni attempt na siya paghilabot nimo, but nibalibad ka. At least, naka explain ka nganong nahitabo to ug wa na mausbi pa. Niadtong panahuna, basin di ingon niana ka grabe ang iyang reaction unta niadtong panahuna ug nakapasabot ka sa imong sayop nga nahimo sa una mong relasyon. Kay kitang tanan, in one way or another, makahimo man gyud og kasaypanan.
Sabta lang siya karon sa iyang kahiubos ug kasuko kay bisan kinsa ang naa sa iyang sitwasyon karon, ingon niana ang reaksyon. Palabya lang una ang tanan. You did your part na man kay nag-sorry ka na. Busa, ayaw lang una siya tanduga. Give him space aron siya makatimbang sa tanan. Di pa sab siya ready at this time tungod kay naa pa siya sa grabeng emosyon. Basin naa pa siya sa kalibog mao nga di pa siya gustong makig-estorya nimo. Pag-ampo nga ang tanan will end well. Kon kamo gyud, kamo gyud ang magkadayon bisan unsaon pa.
Noy Kulas
Alang sa imong problema, e-mail sa kulassuper@sunstar.com.ph ug rojval69@yahoo.com