DEPENSAHAN ni reigning International Boxing Federation (IBF) super flyweight world champion Jerwin Ancajas ang iyang titulo kontra Mexican challenger Jonathan Rodriguez sa Abril.
Kini ang pahayag ni Top Rank Promotions chief Bob Arum diin padayon pa nilang gitun-an asa himuon ang bugno.
Si Rodriguez ang susamang boksidor nga makaharong unta ni Ancajas niadtong Nobyembre 2 sa Carson, California.
Apan wa kini mahinayon tungod sa problema sa visa ni Rodriguez.
"Yes (it's Rodriguez). I did not make the match, one of my people made it. Once we finalized everything, we will announce it. I think that fight will most likely by April 11," ni Arum.
Gipaniguro sab ni Arum nga wa nay aberya sa umaabot nga bugno sa duha.
"We are still finalizing the site. But you know sometime next week or so, everything will come together. We've been announcing two fights for every month but at least two or three fights, so we will have that final advise sometime next week," dugang ni Arum.
Nahulipan si Rodriguez ni Chilean Miguel Gonzalez nga gipahagba sab ni Ancajas sa impresibong sixth-round knockout win niadtong Disyembre 7 sa Puebla, Mexico.
Suma pa, daghan pa'g plano si Arum alang sa Pinoy boxer.
Human ni Rodriguez, target ni Arum nga isabak si Ancajas kontra World Boxing Council super flyweight champion Juan Francisco Estrada sa Mexico, World Boxing Association super flyweight titleholder Khalid Yafai sa Great Britain ug World Boxing Organization champion Kazuto Ioka sa Japan alang sa unification bout.