SUPERBALITA DAVAO

99% baboy natodas na sa Davao Occidental

SunStar File

MALITA, Davao Occidental -- Anaa na sa 99 porsiyento ang gipamatay nga mga baboy lukop sa probinsiya ug gilaumang mahuman na kini karong semanaha.

Gibutyag ni Noel Provido, tigpamaba sa Department of Agriculture (DA)-Davao, nga nahuman na ang gihimong culling sa lungsod sa Malita ug Sta. Maria.

Dugang ni Provido nga bisan sa Sulop, Davao del Sur, nahuman na sab ang "culling."

Hinuon nasayran nga wa pa mahuman sa lungsod sa Don Marcelino ug mao na lang kini ang ilang gihuwat sa kasamtangan.

Kahinumdoman nga unang gibutyag ni Don Marcelino Mayor Michael Maruya nga mataud-tauran pa ang paghuman sa pagpamatay sa ilang lugar sanglit lagyo ang mga barangay ug kinahanglan pa nga mosaka sa kabukiran.

Gitataw niini nga kinahanglan sab ang tumang pagpasabot sa mga tribung B'laan nga nanag-iya og mga baboy kon nganong kinahanglan nga himuon kini.

Adunay kapin 7 mil nga mga baboy ang pang-ihawon sa Don Marcelino.

Naglaum sab ang DA nga masumpo na ang African Swine fever ugaling mahuman na og pagpamatay ang tanang baboy nga apektado sa kagaw.

Gikinahanglan ang pagwagtang sa impeksiyon sa mga kulongan pinaagi sa pag-quarantine niini.

Sa kasamtangan, nagpabilin ang hugot nga checkpoint sa probinsiya aron masegurong wa nay makasulod o makagawas nga baboy sa ilang lugar.

Padayon sab ang gihimong kuwarentinas sa matag indibiduwal ug mga sakyanan nga mosulod ug pagawas sa probinsiya. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph