SUPERBALITA CEBU

Espinoza: Trahedya sa kinabuhi

Nagpakabana

SUNOG. Usa ka trahedya nga dili matagna o mahibaw-an apan malikayan kon ang mga tagsatagsa ka tagbalay pirmi nga magmatngon ug magsubay sa husto nga paggamit sa mga butang nga de kurente ingon man sa ilang kusina.

Ang sunog niadtong alas 2 sa kabuntagon kagahapon sa dalan Zamora, dakbayan sa Mandaue usa ka trahedya sa mga pamilya nga nalakip sa sunog labina na sa dunay sakop sa pamilya nga namatay. Matud pa sa taho, 15 ka balay ang nasunog lakip niini ang balay ni MTCC retired judge Gerardo Gestopa ug Louella, iyang asawa.

Ang dapit nga nasunogan naa nahimutang sa likod sa Mandaue City Hall. Bisan sa kaduol sa nahimutangan sa Bombero apan kay kaadlawon man nahitabo mao nga daghan ang nalamoy sa kayo. Pung pa sa akong tinubdan, ang mag-asawa nga Gestopa nakagawas na sa ilang balay apan mibalik aron pagpangita sa ilang apo, nga karon gipangita pa.

Sa atong kaigsUonan, ato kanunay nga matngonan ang mga gamit de kurente ug ang tangke sa gasul nga dili biyaan nga abli o nag-andar aron malikayan ang sunog. Among kinasingkasing nga pahasubo sa bikitma sa sunog, labina sa pamilya Gestopa sa pagkamatay ni Gerry ug Louella. May you rest in eternal peace with our Creator!

•••

ANDAM? Dili angay nga ikauwaw o masuko nga mireklamo ang mga gikwarentinas nga Filipino nga pasahero gikan sa Taiwan sa miaging semana diha sa Barangay Apas, Cebu City. Bisan tuod og gianunsyo na sa atong lokal nga kagamhanan nga andam ug tagana na ang dapit alang sa ikwarentinas apan dunay mga kakuwangan gihapon.

Tungod sa Covid-19, ang mga lokal nga kagamhanan nangandam alang sa pagkwarentinas sa mga Filipino nga gikan sa China, Hong Kong ug Macau, nga mouli sa atong nasud. Ang dili mga Filipino di makasulod sa atong nasud.

Naitok man gud si Gov. Gwen Garcia dihang mireklamo ang gikwarentinas ngadto sa media nga walay tubig ug kurente ang building nga ilang gipuy-an, hugaw ang kasilyas ug baho usab ang habol nga gitagana. Ang kadaghanan sa gikwarentinas adto mouli sa Davao ug uban dapit sa Mindanao.

Kadaghanan sa gikwarentinas nga OFW (overseas Filipino workers) nga nanarbaho sa Taiwan. Di sad ko motuo nga sila nagdahom nga ang dapit nga adto sila ikwarentinas susama sa hotel ang akomodasyon. Ang ila tingale nga gipangita mao ang usa ka limpyonga dapit, nga dunay tubig ug suga, tungod kay wa man sila moboluntaryo nga ikwarentinas.

Tungod sa maong sitwasyon, wa na gihuwat ang 14 ka adlaw nga pagkwarentinas sa mga pasahero gikan sa Taiwan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph