GIBUGKOS ni Gingoog City Mayor Erick Cañosa ang 108 ka mga pares adlaw sa Valentine's Day sa Gingoog City.
Gitapos ni Cañosa pinaagi sa legal nga pagpuyo ang 108 ka pares nga nag-ipon lamang sa taas nga panahon, ug kadtong mga mag-uyab nga dugay na apan nangandoy nga mahimong legal ang ilang relasyon ug pagpuyo.
Gipahigayon ang mass wedding sa Arturo S. Lugod Gymnasium adlawng Biyernes, Pebrero 14.
Nagsilbing witness ug nahimong maninoy ug maninay mao sila si Vice Mayor Peter Unabia, ABC President Bobet de Lara, City Councilors Judeline Bernaldez, Evelyn Cañosa, Roy Aniscal, IP representative Estoriano Mandahinog, Anjun Gomez, Wilfred Jun Militante, Thaddeus Lugod, Jerome Mercado, April Rose Vosotros, SK President Fatima Grace Guanzon, PSA Dir. Robin Aboro Jr., City Local Registry Head Ureta Wanita, City Planning Development Office head Elsa Maquiling, Audie Ocampo, City Tourism Head, Jojo Bollozos- Tourism council, Pastor Elmer Gloria, Gingoog PNP Chief Ariel Phillip Pontillas, City Administrator Elvin Restituto, Niema Remegoso ug si Lalain Cezar ang Head sa City Budget Office.
Simple lamang ang mensahe sa mayor ug malaumon nga ampingan nila ang ilang gugma magpabilin nga lig-on.
Naghatag usab sa iyang mensahe si City Vice Mayor Unabia sa mga kinasal ut nitambag nga sa magtiayon dili malikayan ang away ug panaglalis nga posibleng tungod sa selos ug adunay panagbikil kinahanglan nga bukas ang huna-huna gumikan kay mopaingon kini sa kasing kasing. Gihangyo niini ang mga bana nga maningkamot alang sa kalamboan sa pamilya samtang ngadto sa mga asawa nga unta masinabtanon ug mosuporta sa ilang mga kapikas.
Gilibre sa lokal nga kagamhanan ang ilang singsing, cake, wine, lechon manok, photo booth ug lunch buffet.