SUPERBALITA CAGAYAN DE ORO

192 misurender nga NPA

CAGAYAN DE ORO. Lieutenant Colonel Roy Anthony Derilo, ang outgoing commander sa 58 Infantry Battalion. (Pinaambit nga hulagway)

MOBABAY na si Lieutenant Colonel Roy Anthony Derilo nga miserbisyo isip commander sa 58th Infantry Battalion sa 4th Infantry Division-Philippine Army sulod sa duha ka tuig kapin ug gitakdang mohulip kaniya mao si Lieutenant Colone Ricky Canatoy kung diin ang turnover of command gitakda karong Pebrero 20, 2020.

Gibutyag ni Derilo sa Superbalita Cagayan de Oro nga sa iyang pagbiya,

mapasigarbuhon siya nga pabiling malinawon ang probinsya sa Misamis Oriental kung diin mao kini ang iyang area.

Sulod sab sa duha ka tuig, moabot ngadto sa 192 ka mga kanhi sakop sa New People's Army (NPA) ang napasurender ug kini usa sa iyang legasiya nga nakapausab sa kinabuhi sa walhong grupo.

"Sa akong term naa tay 192 NPA surenderer, sa akoa lang it's not really counting its really thinking that these lives has been saved," matud ni Derilo.

Dugang niini nga maayo ang programa ni Presidente Rodrigo Duterte alang sa mga walhong grupo ug tsansa na kini nga unta mobalik sila sa sabakan sa gobyerno, hinungdan pabilin ang iyang panawagan nga magpuyo nga dili magdagan-dagan ug tago sa kabukiran.

Gipasalamatan ni Derilo ang kagamhanan sa probinsya sa pagpangulo ni Misamis Oriental Governor Bambi Emano tungod sa suporta nga gihatag niini sa kasundalohan ug malaumong susamang suporta ang madawat sa sunod nga namunoan.

Sulod sab sa iyang liderato adunay duha niya ka sakop sa 58IB nga namatay sa engkwentro didto sa probinsya sa Bukidnon ug gihinaot nga dili na kini masundan.

Samtang gapaabot sa iyang sunod nga assignment human sa Pebrero 20 anaa usa kini moreport 4ID headquarters sa patag ning siyudad sa Cagayan de Oro ug miingon nga soud gihapon niya si Canatoy kay kauban niya kaniadto sa scout ranger.

"I have to report first sa Division nga under kosa Patag. Kay Colonel Canatoy, I've been with him, I know him kauban mi sa scout ranger sa una gikan mi didto i know him grabe pod iyang passion to serve," matud ni Derilo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph