SUPERBALITA CAGAYAN DE ORO

7 ka K-9 dog gipalit sa siyudad alang sa kapulisan

CAGAYAN DE ORO. Pito ka mga K-9 dogs ang gidonar sa lokal nga kagamhanan sa siyudad ngadto sa Cagayan de Oro City Police Office. (Kris C. Sialana)

ARON nga mas mapalig-on pa ang seguridad sa dakbayan sa Cagayan de Oro, hingpit na nga gitunol ang pito ka mga K-9 dogs alang sa Cagayan de Oro Police Office (Cocpo), Lunes, Pebrero 17, atol sa pagpakayab sa nasudnong bandila sa city hall. Padayong gibansay-bansay ang pito ka mga K-9 diin tulo niini ang laki ug upat ang baye lakip na ang ilang mga tagsa-tagsa ka mga handler ubos sa black water K-9 training institution. Lakip si Joey nga dul-an na moretiro tungod kay pito na ka tuig isip K-9 ang gipaubos balik sa training. Ang unom niini mao ang alang sa bomba o eksplosibo samtang duha ang sa narcotics o ilegal nga mga druga. Gibutyag ni Konsehal Romeo Calizo, tsirman sa komitiba sa Police, Fire and Public Safety, nga naggahin og pundo ang siyudad nga anaa sa P3.5 milyones. "We have budgeted, I think P3.5 million pero package including the immediate equipage of the dogs, they can already identify through sniffing," matud ni Calizo. Giingong padayon ang pag-training niini sa maong institusiyon. Nasayran nga ang pundo niini gipaagi sa budget component ordinance aron sa pagpalit sa maong mga K-9 ug package na kini kauban sa ilang mga handler. Dako usab ang pasalamat ni Police Colonel Henry Dampal sa Cocpo tungod kay nadugangan na ilang mga K9 dogs nga gikinahanglan kaayo sa dakbayan tungod kay nagkadako kini ug daghang mga dagkong kalihokan nga ipahigayon sa siyudad. "We all know nga Cagayan de Oro daghan kitag bisita from national office, national agencies, daghan mga conventions from time to time we've been receiving request from different agencies even private sectors mag request sa ato to panel and sanitize their places of convergence ug engagements mao nakita gyud nato ang needs," matud ni Dampal. Gidugang usab niini nga dunay mga boarder nga gibantayan sa kapulisan ug posibleng magbutang usab niini nga mga iro. Kinahanglan usab nga padayon ang ilang training labi na nga magmugna pa og relasiyon ang handler ug mismong ang iro aron nga mamahimong mas epektibo. Nagpasalamat usab kini kay lakip na sa package nga gibayaran sa siyudad sa pagpalit niini nga mga iro ang ilang mga panginahanglanon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph