40 personahe sa CDRRMD gibansay sa DOH

ARON nga mas mapahugtan pa ang pakigbatok sa nagkuyanap nga coronavirus disease (Covid-19), gibansay sa Department of Health (DOH) ang mga personahe sa City Disaster Risk Reduction Department (CDRRMD) sa siyudad sa Cagayan de Oro.

Anaa sa 40 ka indibidwal gikan sa Urban Search and Rescue (USAR) ug Emergency Medical Services (EMS) kinsa mga front liners ug moresponde ang gibansay sa DOH sulod sa usa ka adlaw aron sa pagbaton og kahibalo kalabot na niini nga sakit ug alang sa kaugalingong proteksiyon.

Gibutyag ni Nick Jabagat, ulo sa CDRRMD, nga kini ilang gihangyo sa DOH aron nga ang ilang mga personahe andam sa pagdala kun simbako dunay mga sakit nga susama niini apan dili lang sa Covid-19 kundili sa tanang infectious diseases.

"Sa Covid-19, nangayo ta og orientation sa DOH on handling sa mga ingon ana na cases dili lang sa COVID apil tanan mga infectious diseases," matud ni Jabagat.

Pinaagi sa maong pagbansay, nakabalo sila pagprotektar ug pag-atiman og pasyente nga dunay gihambin nga susama niini.

"Unsay ilang andamom sa ilang kaugalingon mga personal protective equipment, unsaon pagprotektar imong kaugalingon kung ikaw mo-handle ingon ani na klase na patient," dugang pa.

Kasamtangang duna nay pipila nga mga kagamitan ang anaa sa ilang buhatan sama sa gloves, mask, gown ug uban pa ug nagpaabot og ubang mga medical supplies aron sa proteksiyon sa mga responder.

Gibutyag usab ni Jabagat nga ila pa nga mas gibansay ang mga personahe sa bisan unsa nga klase nga mga panghitabo ug kini lakip sa ilang programa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph