GIAGTANG pagpusil ang usa ka lalaki hinungdan sa iyang kamatayon adlawng Sabado, Pebrero 15, sa Barangay Maranding Lala, Lanao del Norte.
Ang biktima giila nga si Allan A. Valmoria, residente sa susamang dapit kinsa namasahero sa iyang motorsiklo dihang giatangan sa wala mailang suspek ug gipusil.
Sa imbestigasyon sa Lala Police Station, nasuta nga bag-o lang nakagawas sa prisuhan ang biktima sa kasong pagpayuhot sa ginadili nga druga ug naka-avail kini sa programa nga plea bargaining.
Ang pagpamusil natigayon duol sa kan-anan ug nakuhaan pa ang biktima og duha ka gamayng pakete sa gituohang shabu ug mga ilegal drug paraphernalia sama sa aluminum foil ug usa ka disposable lighter.