MAS delikado nga kontra si World Boxing Association (WBA) welterweight champion Manny Pacquiao alang kang mixed maartial arts (MMA) superstar Conor McGregor kumpara kang American Floyd Mayweather Jr.
Mismong ang suod nga higala ni McGregor nga si Michael Conlan ang miingon niini.
Kusog ang hugonhugon karon nga magkrus ang dalan nila ni Pacquiao ug McGregor human nakigtambayayong ang Pambansang Kamao ng Pilipinas sa management team ni McGregor.
Gipasabot sab ni Conlan nga interesadong mobalik og away sa boksing si McGregor gumikan sa ka dako sa nakuha niini dihang nakigbatok kini kang Mayweather, kinsa mirehistro og 10th round TKO nga kadaugan sa maong away.
“I can’t see why he wouldn’t come back,” matod ni Conlan sa interbyu sa World Boxing News.
“I definitely think he will but do I want to be on the undercard? No. It’s the McGregor show, you’re on the undercard, you’re going to be irrelevant. Everyone will have their eyes on him.”
Kon mahitabo nga ikaharong ni McGregor si Pacquiao, nagtuo si Conlan nga naglagiting nga kantidad ang kitaon niini.
“I don’t care to be on the undercard but if he comes back then fair play to him. If he gets the Pacquiao fight then even better. It’s a much more dangerous fight than fighting Floyd,” matod ni Conlan.
Alang ang Conlan, wala’y rason nga dili mahitabo ang panagharong nila ni McGregor ug Pacquiao gumikan kay seguradong mokita kini og dako.
“Money is the be-all and end-all in those situations. A fight with Manny Pacquiao will generate a lot of money,” pasabot ni Conlan. (ESL)