Balaudnon magbuhi og balik sa GMRC

ANG subject sa Good Manners and Right Conduct (GMRC) hayan mahibalik na sa elementary ug high school curriculum sa pag-aprobar sa Senado sa third ug final reading sa balaudnon nga magpermanente na sa values education.

Ang House of Representatives niaprobar sa iyang bersyon sa balaudnon niadtong Pebrero 4, 2020.

Ang Senate Bill (SB) No. 1224, kun proposed Comprehensive Values Education Act, nagmando sa mga tinun-an sa elementary ug high school sa pagtambong sa GMRC class usa ka oras matag adlaw.

Mga subject sa GMRC gitangtang gikan sa curriculum human gipatuman ang K to 12 program sa 2013.

Ang values education gitipon sa laing subjects sama sa Edukasyon sa Pagpapakatao ug Araling Panlipunan, ug gitudlo lang og 30 minutos matag adlaw alang sa mga tinun-an sa primary education ug usa ka oras matag semana alang sa mga tinun-an sa secondary education.

Si Senador Sherwin Gatchalian, kinsa nangamahan sa balaudnon, niingon nga ang oras nga gigahin sa values education di paigo aron ang mga magtutudlo makahatag og igong discussion tali sa mga tinun-an.

Siya niingon nga ang SB 1224 nagmando nga ang values education curriculum maglakip sa mga kalihukan sama sa role playing sa classrooms, community immersion activities, parent-teacher learning activities, ug uban pang matang sa experimental learning activities.

“This will allow students to gain real-life experiences in applying their values to difficult situations, but in a controlled environment where experienced educators will help them process the lessons they learned in a constructive and nurturing way,” pasabot ni Gatchalian.

Ang values education hayan itudlo nga Filipino sa mga tinun-an sa Metro Manila, kay ang balaudnon nagmando nga ang Department of Education (DepEd) maghimo og mother tongue-based multilingual education approach.

“The DepEd shall also establish linkages and provide the necessary support to strengthen parent-teacher partnerships to enable parents to perform their vital role in the effective institutionalization of the values formation education,” matod sa balaudnon. (SunStar Philippines)

Related Stories

No stories found.
SunStar Publishing Inc.
www.sunstar.com.ph