NASIKOP sa mga sakop sa City Intelligence Branch (CIB) sa Cebu City Police Office (CCPO) ang nalakip sa listahan sa kapulisan isip high value individual target atol sa buy bust sa alas 2:25 kagahapon sa kaadlawon, Pebrero 17, sa Sitio Tugas, Barangay Mambaling, siyudad sa Sugbo.
Ang nadakpan giila nga si Juanito Villegad Sabal, 30, alyas Wardok nga nag puyo ra usab sa maong dapit.
Nakuha gikan kaniya ang nagka lain-laing gidak-on sa putos sa gituohang shabu nga mo timbang ang tanan sa 115 gramos nga adunay dangerous drugs board (DDB)P value nga P782,000.
Matod ni Police Major Randy Caballes, hepe sa CIB nga mao usab ang nangulo sa buy bust operation, nga duha ka semana nila nga gipanid-an ang illegal nga negosyo ni Wardok.
Migawas ang iyang pangalan sa mga nangadakpan sa mga police station sa siyudad sa Sugbo nga maoy hinungdan nga ila kining gipaubos sa surveillance.
Kasagaran nga customer sa dinakpan mao ang mga tinun-an sa usa ka unibersidad lakip na ang mga mogamitay sa illegal mga drugas sa mga silingang barangay sa Mambaling.
Matod pa sa sulod sa bilangoan ang ilegal nga drugas apan giingong giagi kini sa usa ka personalidad nga magkuhaan sa supply nga mao sab ang mohagbong kaniya.
Aron pagtabon sa iyang ilegal nga negosyo, moabag kini sa iyang amahan sa pag pamaligyag trapo sa mga motorista sa Osmena boulevard apan inig pauli na mamaligya na usab kinig ilegal nga drugas.
Maka baligya siyag 150 ngadto sa 200 grams sa gituohang shabu matag semana.
“Ang iyang mga costumer o client mga estudyante diha sa unibersidad." matod ni Caballes. (AYB)