SUPERBALITA CEBU

Habalhabal sa Talisay kon dunay registration, lisensiya susihon

MGA habal-habal driver sa kabukiran sa Talisay City, ang ipaubos unya sa mga random nga pagsusi sa ilang mga lisensya ug rehistro sa sakyanan.

Kini human nga gatusan sa Talisaynon ang ni-avail sa E-Patrol sa Land Transportation Office (LTO-7) alang sa magpalisensya, magbag-o o renewal og rehistrasyon sa sakyanan ug motorsiklo.

Nagsugod na niadtong Sabado, Pebrero 15 ug Lunes, Pebrero 17.

Gitug-an ni Jonathan Tumulak, pangulo sa City of Talisay Traffic Operations Development Authority (CT-TODA), nga sila mismo ang nihangyo sa LTO aron kahatagan og higayon ang mga Talisaynon, ilabi na mga habalhabal driver nga makapalisensya na.

Kay giangkon ni Tumulak nga sagad sa ilang ma-citationan ug maimbarguhan sa ilang motorsiklo, mga habal-habal driver.

“Nanghinaot ta nga ning development, nakita man nato nga daghan gyud kanila sa mga habal-habal driver ang ni-avail sa programa nga sa himuon nato nga mga pagsusi, wala nay usa kanila nga walay lisensya ug rehistro. Ilabi na diha sa mga anaa sa bukid,” saysay ni Tumulak.

Matud ni Tumulak nga nasuta niya gikan sa mga driver diha sa bukid nga magdumili sila magpalisensya ug rehistro kay nagtuo nga mobalor sa dul-an o kapin sa P7,000 ang pagproseso niini.

“Karon nasinati nila nga dili tinuod nga mahal kaayo ang pagkuha og lisensya ug pagparehistro, kapin ra sa usa ka libo ka pesos, apil na diha ang medical ug uban pa. Mapasalamaton kaayo sila,” dugang ni Tumulak.

Niadtong Sabado niabot sa 200 ang naka-avail, samtang sa Lunes sa udto pa lang gibana-bana nga moabot na sa 400 ang naka-avail.

Sa talaan sa CT-TODA, adunay kapin sa 600 ngadto sa 1000 ka mga habal-habal driver sa siyudad, kadaghanan niini nag-una nga transportasyon sa kabukiran.

Gihimo ang kalihukan, diha sa Talisay grounds, atubangan sa buhatan sa CT-TODA.

Mohimo og assessment ang CT-TODA, kon angay ba sila nga mohangyo sa LTO pag-usab sa pagdala sa E-Patrol sa Talisay City. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph