SUPERBALITA CEBU

Mga barangay patukuron og validation team sa Liga

HUMAN sa pagpanglimpiyo sa primary ug secondary roads, ang local government units (LGUs) gimandoan sa paglimpiyo sa inner ug tertiary roads sa barangays sulod sa 75 ka mga adlaw sugod niadtong Lunes, Pebrero 17.

Ang direktiba sa Department of the Interior and Local Government (DILG) Secretary Eduardo Año kabahin sa mando ni Presidente Rodrigo Duterte sa paghawan sa kadalanan aron pagpaluag sa trapiko.

“Tuloy ang Disiplina Muna campaign sa ating mga kalsada. I direct LGUs, especially the barangays, to clear local roads and sustain the gains of the road-clearing operations with the same urgency and enthusiasm as when the President himself directed us during the State of the Nation Address,” pamahayag ni Año.

“Binibigyan ko kayo ng 75 calendar days para gawin ito. This will continue whether you like it or not, especially since it has produced favorable results for the people,” he added.

Liga sa Sugbo

Kompyansa si Celestino “Tining” Martinez, pangu sa Liga ng mga Barangay sa lalawigan sa Sugbo, nga mahuman sa matag barangay sa lalawigan ang mando sa Presidente sa nasud, sa gihatag nga lugway niini sulod sa 75 ka adlaw pag limpyo sa mga ilegal nga struktura sa kadalanan.

Kini maoy pamahayag ni Martinez atol sa pakighinabi sa Superbalita Cebu kagahapon, Pebrero 17, 2020.

Bisan pa sa tahas nga gihatag karon sa mga barangay lukop nasud ug sa lalawigan sa Sugbo sa pag umol og kaugalingon nga validation team ingon man ang pag monitor sa kadalanan.

Matod ni Martinez nga alang kaniya sayon na lang ang pagpatuman sa maong mando sa mga barangay, sanglit nasugdan na daan sa miaging tuig ang road clearing sulod sa 60 ka adlaw.

Gi-dayeg ni Martinez ang maong lakang sanglit ang mga barangay officials man ang nahibaw kon asa ang mga lugar sa ilang barangay nga nag tukod og illegal nga mga struktura nga milapas na sa kadalanan.

“Yes, I think so because it did not just start sa 75 day nga period it started prior pa man. So when the order for road clearing is given to the LGU so in connection with the LGU naa nay cooperation sa barangay ang LGU so karon turnover naman ang gibuhat, in a way tungod kay ang barangay officials are constantly in the barangay sila maoy better hand nga maka monitor maka tan-aw nga gi rebuild nga illegal structure or gibutang nga illegal structure,” matod ni Martinez sa Superbalita Cebu.

Dugang ni Martinez nga wa mag inusara ang barangay sa pagpatuman sa maong kamandoan sanglit may mga local chief executives man nga andam mo tabang panahon kon may daghang violations pa nga angay aksyonan sa barangay.

“I dont think the barangays is left alone to address the mentainance and the road clearing operations. I think in some way it shares the burden of the LGU concerned so naay hand in hand coordination gihapon so dili na mapa sagdaan ang barangay gihapon,” matod ni Martinez gahapon, Pebrero 17, 2020.

Samtang sa iyang bahin si Jhoaden Lucero, ang pangu sa Department of Interior and Local Government (DILG) sa lalawigan sa Sugbo misaysay nga Enero 31, 2020 pa lang gisugdan na sa ahensya ang pagpakatap sa bag-ong kamandoan.

Sa Pebrero 5, 2020 usa ka pulong usab ang gipahigayon niini kauban ang sakop sa liga ng mga barangay aron ipahibaw ang guidelines sa memorandum.

Matod ni Lucero nga sa niining paagi malikayan ang kalibog sa matag barangay sa pagpatuman sa operasyon.

Sa miaging buwan napulo ka local chief executives ang gi-pasakaan og kasong administratiba nga gross neglect of duty og grave misconduct human kini wa makahuman sa clearing operation.

Tungod niini giawhag ni Lucero nga sugdan dayon ang pag tuman niini aron malikayan ang ubos nga grado ug ang pag atubang unya sa mga local chief executive sa kasong administratiba.

“Unlike other LGU’s nag meeting nag organize dayon nag conduct dayon og inventory sa mga roads, unsa pa to nga road obstruction so naa lang gyuy mga LGU nga dugay nilihok. This is addressed to all so they should make sure that they comply with the memorandum in all barangay,” matod ni Lucero sa Superbalita Cebu. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph