SUPERBALITA CEBU

Durigista misukol sa pulis, patay

(Tampo nga hulagway iya sa Provincial Intelligence Branch)

USA ka giila nga high value individual patay sa operasyon sa barangay Lawaan III, dakbayan sa Talisay, Martes sa kaadlawon, Pebrero 18.

Kini human giingong' nakigpinusilay sa kapulisan sa Provincial Intelligence Branch (PIB) nga nihimo sa buy- bust.

Giila ang suspek nga si Jc "Jessie" Dacuma Caballero, 27, taga sitio Blissed, Barangay Lawaan.

Gihimo ang operasyon, ala 1:13 sa kaadlawon.

Matud ni Lieutenant Col. Marlu Conag, pangulo sa PIB, nga sa dihang magbayluay na sa kwarta ug shabu ang subject ug ilang poseur buyer, nakamatikod si Caballero nga mga pulis ang gikatransaksyon.

Giingong dali kini nga nakalanit og armas dayon pusil sa mga operatiba, apan wa makaigo.

Ang mga pulis nakabalos kang Caballero hangtud nga naigo ug natumba Dali siyang gidala sa tambalanan sa Talisay Emergency Responders, apan nakabsan sa iyang kinabuhi.

Na-recover gikan kang Caballero ang cal. 22 revolver nga adunay duha pa ka bala, laing usa ka revolver (derringer) ug empty shells.

Nakuha usab ang usa ka medium-sized ug usa ka gamay nga pinakete sa gituohan nga shabu.

Mobalor ang drugas P27, 472 base sa Dangerous Drugs Board (DDB) value.

Dugang ni Conag nga taud-taud na nila nga gipanid- an si Caballero, human nasuta nga partner kini ni alayas Opaw, kinsa naila nga mamaligyaay og drugas sa Talisay ug nasikop niadtong 2018.

Gani giingon nga moabot pa sa laing syudad ug lungsod ang pag-suplay niini sa ginadiling drugas.

"After the arrest of OPAW, he dominated the disposal in the area of lagtang, talisay and reports also in Toledo and Balamban and seen always showing off a firearm. He was complained by his family members in the barangay for using his nephews who are minors as drug couriers. So that he cannot be exposed," saysay ni Conag. (Superbalita Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph