SI DAVAO Striders runner Arnie Macañeras miangkon sa runner-up honors sa 5th annual Ultra Trail Unseen Koh Chang 2020 (UTKC 2020) jungle 100-kilometer trail race nga gihimo sa nakalabay nga weekend sa Koh Chang Tai, Ko Chang District, Trat 23170, Thailand.
Si Macañeras mioras og 19 ka oras ug 17.55 segundos, diin nagsunod siya sa taga-Great Britain Paul Dunn nga mioras sab og 18:21:12.9 samtang ang taga-Japan, Hisashi Kitamura mihuman sa ikatulo, 19:09:49.8.
Si Dunn miapas ni Macañeras, nga maoy nanguna sa sugod, sa uwahing 20 kilometros aron maangkon ang kadaugan.
Ang Jungle Trail sa Thailand, suma sa UTKC website, "featured a variety of funny challenges, excitement, and extreme challenges with tropical conditions. The route passed through fishing villages, hiking trails, rocky waterfalls and sandy beaches."
Si Macañeras, kasamtangang nakabase sa Kapatagan, Digos City, suma pa madasigon kaayong miapil sa kompetisyon, kini subay sa iyang Facebook post, Pebrero 12.
"Bago ko molupad, magpasalamat diay ko sa mga naghatag ug opportunity ani nga event, sa mga nag-support daghan kaayong salamat."
Dominggo, Pebrero 16, gipahibalo niyang mosubida siya sa Mt. Apo, aron makarecover.
Ang aktibidad suma sa UTKC website giapilan sa 1,600 ka partisipante gikan sa 32 ka nasud.