SUPERBALITA DAVAO

Dura: Espenido biktima sa 'tabi-tabi'

Ratsada

DINHI ta sa di kaayo init nga isyu gawas sa prankisa sa ABC-CBN nga gikuninitan karon sa mga netizens.

Atong ipadaplin una ang isyu sa television network tungod kay nakurat ako sa migawas nga balita nga ang sinaligan ni Pangulong Rodrigo Duterte nga si Police Lieutenant Colonel Jovie Espenido naapil sa drug watchlist.

Ang pagkaapil ni Espenido sa listahan, gibasol niya ang pakyas nga intelligence ug tabi-tabi sa mga tawo nga nasina kaniya.

"That's true, maybe failure of intelligence," suma niya mensahe sa text niadtong Martes nga gipatik sa SunStar Philippines nga nagkompirma nga iyang pangalan naa sa listahan.

Giingon ni Espenido nga nakurat siya dihang nasayran nga usa siya sa mga high-value targets uban sa gisuspetsahang drug lords sa nasud.

Nalakip sa listahan mao ang 357 ka mga opisyal sa kapulisan nga giingon nalambigit sa negusyo sa druga.

Nagduda si Espenido nga ang impormasyon gikan sa impluwensiyado nga mga tawo nga konektado sa mga dagkong opisyal sa kapulisan.

Dugang niya nga kini resulta sa mga tabi-tabi labot kaniya.

Maayo nalang kay wa mituo si Pangulong Duterte pinaagi sa pagsulti nga limpyo ang iyang sinaligan sa war on drugs.

Mibilib ang Pangulo kang Espenido dihang siya ang hepe sa kapulisan nga nangulo sa operasyon nga miresulta sa kamatayon ni kanhi Albuera, Leyte mayor Rolando Espinosa ug kanhi Ozamiz City mayor Reynaldo Parojinog niadtong Nobyembre 2016 ug Hulyo 2017.

Dihang nasayran sa Presidente nga naapil si Espenido sa listahan, dali niyang giingon nga wala nalambigit sa gidiling druga ang iyang bata-bata.

Kung atong sundan ug tuohan ang pahayag ni Espenido, dako kaayo ang kahigayonan nga ang mga tawo nga naa sa drug watchlist, biktima lang usab sa tabi-tabi.

Makaluluoy lang kadtong mga ultimong katawhan nga nabiktima sa tumo-tumo nga impormasyon kay kung di bilangguan ang tugpahan, sementeryo gyud ang pahulayan.

Kung nabiktima man si Espenido sa tabi-tabi? Di kaha biktima sab sa tabi-tabi ang mga napatay sa duguon nga war on drugs? Kung mao man kini, kinahanglan nga usbon sa kapulisan ang ilang intelligence gathering aron wa nay mabiktima sa ilang pakyas nga intelligence.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph