MANILA--Sa mga di tantong millennials, siguro kaila mo sa grupong Abba. Halos tanang kanta nila nag-hit niadtong 70’s ug mid-80’s.
Medyo may edad na ang upat ka original members (the group originated from Sweden). Ang usa ka member nalang nila, ang keyboardist nga si Benny Anderson ang nagpabilin sa Abba. The rest, mga bag-o na ilabi na ang ilang duha ka babayeng vocalists. May duha ka babayeng back-up vocals pa ug ang ilang astig nga guitarist karon, may hawig sa lalaking original sa Abba, kung wa ako masayop, anak niya kini.
Ang pre-Valentine concert sa Abba gipahigayon sa New Frontier nga produced ni Mr. P (Joed Serrano). Istrikto ang New Frontier kay ang tanan miagi sa thermal scan, maski ang Bb. Pilipinas 2020 candidates. May video ako niini nga may description nga #HotPeroDiQuarantine sa Timmy Basil YouTube.
Well-applauded ug super sing and dance ang audience sa “Dancing Queen”. Enjoy sad sila sa “Money, Money, Money” “Knowing Me, Knowing You”, “Chiquitita” ug “I Have a Dream”.
Super nagustuhan ko ang ilang opening number nga “SOS”, “Fernando” ug “The Winner Takes It All. “Panahon natin ito,” matod pa ni Roldan Castro nga maoy mihatag nako ug VIP complimentary ticket. Salamat sad, Melba Llanera ug Mr. P.
In fairness sa duha ka girl vocalist, kuhang-kuha nila ang tingug sa naunang 2 female vocalists sa Abba. Pero lahi ra jud ang original.
•••
Sa mismong Valentine’s Day, sugod naman ako sa Manila Hotel sa concert nina Pilita Corrales, Eva Eugenio, Jun Polistico ug Kiel Alo. Before the concert, may fashion show pa ug mirampa ang duha ka anak ni Manny Pacquiao.
Hosts si Alice Dixson ug Xian Lim nga gipakita sad ang iyang talent sa pagkanta.
Pero tinalo sila ni Presidential Spokesperson Sal Panelo nga abi nimo og siya ang may concert. Thank you, Edwin Rosas Visda, for the ticket ug maoy tag-iya sa mga gown nga gisul-ob ni Pilita.
•••
February 15, may pahabol nga concert akong giatenan, ang “First Love” ni Maria Laroco (Pinay UK X-Factor) sa Iago’s. World-class ang talent ni Maria (you can view her videos in Timmy Basil YouTube). Halimaw ang iyang tingog. Daghang salamat, Hanzel Villafuerte of EMC Records.