Nagmugnag estorya sa ‘white van’ gikiha, sikop

GIDAKOP sa Danao City Police Station sa alas 9:17 sa buntag sa Martes, Pebrero 18, 2020 kadtong lalake nga nag post sa Facebook nga gisuwayan siya sa pagdagit sa mga tawo nga nagsakay og puti nga van.

Ang iyang post nga nag-viral sa social media nakamugna og kahadlok sa publiko.

Ang nadakpan mao si Brigido Mangas Granada, alyas Brigs Granada Alvaro, 23, taga sitio Taboc, Barangay Looc, Siyudad sa Danao sa Villa Socoro street, Barangay Suba, sa maong dakbayan.

Nangunay pagdakop kang Granada si Lt. Col. Maribel Getigan, hepe sa Danao City Police Station.

Kini pinasikad sa warrant of arrest nga giluwatan ni Josefa C. Pinza-Ramos sa Regional Trial Court (RTC) Branch 90 sa Dakbayan sa Danao sa kasong kalapasan sa Cyber Crime Prevention Act of 2012 kun Republic Act 10175 nga adunay P60,000 nga gitugot nga pyansa ang korte alang sa temporaryong kagawasan ni Granada.

Si Granada gipatawag sa local government unit (LGU) kalabot sa iyang post.

Siya niangkon nga iya ra kadtong mugna mugna aron pagsakay sa panahon. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph