SUPERBALITA CEBU

OFW makabiyahe na sa Hong Kong, Macau

MAKABIYAHE NA: Kadtong mga nangatanggong nga Overseas Filipino Workers (OFW) nga nanarbaho sa Hong Kong ug Macau ang ma­kabiyahe na og balik, human nga gilibkas na ang travel ban sa maong duha ka special administrative region sa China. (SunStar File Photo)

ANG nanga-stranded nga mga trabahanteng Pinoy nga nagtrabaho sa Hong Kong ug Macau mahimo nang mobalik sa ilang trabaho human gilibkas ang travel ban ngadto sa maong dapit.

Si Department of Foreign Affairs (DFA) Undersecretary Brigido Dulay, sa iyang Twitter post sa Martes, Pebrero 18, 2020, niingon nga ang Inter-Agency Task Force for the Management of Emerging Infectious Disease nilibkas sa travel ban alang sa overseas Filipino workers (OFWs) nga mobalik sa trabaho ngadto sa duha ka mga rehiyon sa China.

Ang Hong Kong ug Macau pulos sakop sa Special Administrative Regions sa China. Nalakip sila sa travel ban nga gipatuman sa task force isip panagang nga lakang batok sa new coronavirus, usa ka mananakod nga kagaw nga nagdala sa respiratory nga sakit nga Covid-19.

Si DFA Secretary Teodoro Locsin Jr. , sa lahi nga Twitter post, niingon nga ang migrant workers ngadto sa Hong Kong ug Macau mopirma og health waivers, apan wa magpasabot nga ang kagamhanan sa Pilipinas di mohimo sa iyang mga ka-akuhan pag-atiman kanila.

“Don’t worry, they’ll sign health waivers but we won’t waive our obligation to take care of them wherever they are. We at DFA are not cowards or shirkers. They are our people and we will never ever abandon them,” matod ni Locsin.

Si Locsin dugay rang nagduso sa paglibkas sa travel ban alang sa migrant workers, kay alang kaniya mas maayo og health care ang Hong Kong ug Macau.

Sa Pebrero 17, 2019, way kompirmadong pasyente sa Covid-19 nga na-ospital sa bisan asang dapit sa Pilipinas bisan kon dunay 171 ka mga patient under investigation nga naa sa isolation sa nagkadaiyang mga ospital. Sa kinatibuk-an dunay 350 ka mga pasyente nga na-discharge na.

Sa kalibutan, moabot na og 71,429 ang natakdang mga tawo sa Pebrero 17, 2020, apil na ang 1,775 nga kamatayon, sagad sa China. (MVI)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph