SUPERBALITA CEBU

Laing mga sapa sa Cebu City ang ipasusi ni Labella

DI PABALIKON UNA. Mao kini ang kahimtang sa nasunugan sa Sitio Almers, Brgy. Tabok, Mandaue City nga nahimutang kilid sa Butuanon River. Gidid-an pa sila sa pagtukod og balik sa ilang balay. (Allan Cuizon)

GIMANDUAN ni Mayor Edgardo Labella ang City Health Department nga makig-alayon sa Department of Health (DOH) 7 para masuta ang mga tubig sa mga sapa nga nilagbas sa Dakbayan sa Sugbo human napositibo sa poliovirus ang Butuanon river.

Ang mga sapa nga gipasabot ni Labella mao ang Bulacao river, Kinalumsan river, Guadalupe river, Lahug river ug Estero Parian.

Kini aron masiguro ang kaluwasan sa mga tawo hilabi na sa mga bata nga nagpuyo sa mga danger zone.

“Since the Butuanon River was positive of that poliovirus, why not include the test of all other rivers in the City? I’m giving the directive to City Health in collaboration with the DOH because it’s good that the DOH through their Regional Office 7 and our City Health Department will work together on this,” padayag ni Labella.

Si Bise Mayor Michael Rama, chairman sa committee on health sa konseho, niawhag sa mga tawo kinsa nagpuyo sa mga sapa sa di pag-adto ug likayan nga maligo o magduwa-duwa sa tubig.

Si Labella kinsa tua sa Manila aron atimanon ug makaangkon ang Cebu City og low cost housing para sa mga kabus niingon nga andam ang dakbayan sa pag-evacuate sa mga pamilya kinsa anaa nagpuyo sa danger zone.

Human nahibaw-an nga positibo sa Poliovirus ang Butuanon River, nagsugod na ug lihok ang mga nagkalain-lain nga mga barangay sa syudad sa sugbo nga apil sa gihatag nga lima ka kilometro nga radius sa bantayan sa Department of Health-7.

midili na

Duha sa mga barangay, Bacayan ug Talamban sa syudad sa Sugbo, diin apil sa gilagbasan sa Butuanon river, nidili na sa mga lumolupyo nga makaubog sa sapa.

Saysay ni Bacayan Barangay Captain Zenaida Colina nga ilang bantayan nga waa nay makasulod pa sa maong sapa, labina ang mga bata nga magduwa-duwa sa maong dapit.

“Information dissemination sa nagpuyo daplin sa sapa. Di man jud malikayan nga adunay mga bata nga magduwa-duwa sa sapa, dili nalang gyud paduolon,” saysay ni Colina.

Dungag niya nga ginadili na nila ang paglabay og mga basura sa sapa ug aduna usay eskedyul sa pagkolekta sa mga basura sa mga residente nga nagpuyo duol niini.

Matod usab niya nga sa wa pa nadeklarar nga adunay poliovirus ang maong sapa, nanglimpyo sila pinaagi sa ilang kabatan-unan.

Si Talamban Barangay Captain Dario Arcilla nisaysay nga nagpahigayon sila og inspeksyon sa mga balay nga ang gawsanan sa mga hugaw nga gikan sa pansayan padulong sa maong sapa.

“Gipang inspeksyon namo ang mga balay dapit sa sapa. ang mga subdivision ron kay diretso man sa sapa ang ilang mga CR,” saysay niya.

Dugang ni Arcilla nga naghuwat nalang sila sa opisyales sa Siyudad sa Sugbo aron sila makahibawo sa laing lakang ug aksyon nga ilang mabuhat mahitungod niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph