SUPERBALITA CEBU

Espenido: Gobyerno ray mopatay

INTERVIEW. Si Police Lt. Colonel Jovie Espenido (wala) miasoy kang dyHP manager ug anchorman manlalaban Ruphil Bañuc (tuo) kalabot sa iyang kontrobersiyang nasudlan karon, diin siya naapil sa presidential drug list, (Arnold Y. Bustamante)

“KINI ang akong statement: nga walay lain nga mopatay nako, ang gobiyerno lang. Pulis lang ug ang naa sa gobiyerno lang.”

Mao kini ang pamahayag ni Police Lt. Colonel Jovie Espenido sa interbyu sa sibyaanang dyHP kalabot sa iyang pagkalakip sa listahan ni Presidente Rodrigo Duterte sa 357 ka mga pulis nga giingong nalambigit sa illegal drugs.

Si Espenido niingon nga ang iyang pagkalakip sa listahan ni Presidente Rodrigo Duterte nga siya nalambigit sa illegal nga drugas, gobiyerno ra ang mopatay niya.

“Wala koy laing gituohan. Gidugangan lang anang mga drug lord nga grupo. Mahadlok man nang pulis, pero nagplano sad na sila. Pero ang pinaka authority gyud, wala koy lain. Ang PNP buotan, pero ang tawo sa PNP maoy problema,” dugang ni Espenido.

Wa siya makabalaka nga patyon siya.

Gani gipahibawo pa niya kadtong adunay tinguha nga kuhaon siya nga dali ra siya nga pusilon tungod kay wa siyay dala nga armas.

Si Espenido dinhi sa Sugbo sa Martes, Pebrero 18, sa wa pa siya mobiyahe paingon sa siyudad sa Iloilo.

Miasoy

Gitug-an ni Espenido nga niadtong Pebrero 6 gipatawag siya sa iyang regional director sa Police Regional Office 6 sa Western Visayas nga adunay order nga ipatawag siya sa buhatan ni Philippine National Police Director Police General Archie Gamboa.

Nagtuo siya nga aduna lay tuyo kaniya ang ilang labaw sa kapulisan hinungdan nga duha ra ka paresan sa uniporme ang iyang gidala.

Apan sa iyang pag-abot sa Camp Crame, gipapirma siya og registration diin gitan-aw siya sa mga pulis nga nag-una na niya ug natingala nganong naa siya.

“Natingala ko kay mag-registration na man sa multi purpose. Unya ang uban nga mga pulis niingon nga, ‘Sir, bakit nandito ka? Kasali ka? Ana ko, ewan ko basta papuntahin ako sa koan. Nya ang mga opisyal moingon na nga Jovie, bakit nandito ka? Naa nay opisyal nga niingon nako Brigadier General niingon nga, Jov, kasali ka sa kuan sa 357,” saysay ni Espenido.

Dinhi na nagsugod sa iyang pangutana ang kontrobersyal nga pulis nganong siya ug unsay nagpahipi nga rason nga naapil siya sa listahan.

Dugang niya nga kon nabutang siya sa listahan, nagpasabot kini nga gipaubos na siya sa validation ug analysis nga magpamatuod nga apil siya sa illegal nga kalihukan.

Di lang kay kana ra ang himuon aron maklaro nga tinuod ang pasangil tungod kay aduna pay laing hugna sa validation.

Ang lain na usab nga unit ang molusad niini sa di pa hingpit nga ibutang sa listahan.

Gibasehan

Ang gibasehan, matod pa sa pagbutang kaniya sa listahan mao ang hulagway nga nagkita sila ni Albuera Mayor Rolando Espinosa sa sulod sa usa ka restaurant sa Dakbayan sa Ormoc human nitahan sa Camp Crame.

Matod niya nga sa wa pa sila magkita sa mayor uban sa abogado niini, gitawgan siya sa kanhi PNP Chief, general kaniadto karon Senador Ronald Bato Dela Rosa nga kuhaon si Espinosa kon motahan sa kaugalingon. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph