MEAL allowance alang sa unom ka bulan ang gihatag sa kagamhanan sa Probinsya ubos ni Governor Bambi Emano ngadto sa kapulisan labina sa na assign sa checkpoint sa quarantine area sa este ug weste nga bahin sa Misamis Oriental.
Gitunolan niadtong Lunes, Pebrero 17, ni Emano uban ni Provincial Veterinary Head Dr. Benjamin Resma og meal allowance nga P324,000 alang sa unom ka bulan ngadto kang Lugait Police Station commander Police Lieutenant Nilo Madarce ug team leader sa Police Mobile Force nga si Police Lieutenant Colonel Ryan Mark Secuya.
Kini nga mga pulis maoy nagbantay sa mga Quarantine Station sa lalawigan aron dili makasulod ang mga sakit sa mananap.
"One of the reasons, I strongly believe that why African Swine Fever has not yet entered and I pray to God that it will not enter in Misamis Oriental because of what Colonel Secuya and Lieutenant Madarce done in protecting our livestock," matud ni Emano ug malaumon mas hugot pa nga seguridad ang ihatag sa kapulisan sa mga boundaries sa lalawigan.
"I hope that you will be able to help us strenghten our boundaries in MisOr," hangyo sa gobernador ngadto kanila labina nga daw dako kaayo nga hulga sa lalawigan ang mga nagkadaiyang virus sama sa African Swine Fever ug Bird Flu sa mga mananap ug N-Corona Virus 2019 ngadto sa katawhan.