SUPERBALITA CAGAYAN DE ORO

Angkas babagan sa komitiba sa public utility sa Oro

SUPAK ug buot sa komitiba sa public utility sa konseho nga mababagan ang operasiyon sa Angkas sa dakbayan sa Cagayan de Oro.

Nagpahigayon og re-launching ang Angkas niadtong Pebrero 14 diin anaa sa 807 ka unit sa ride-hailing motorcycle taxi ang gipaubos sa inspeksiyon human lakip na ang dakbayan sa Cagayan de Oro sa implementasiyon niini nga transportasiyon.

Anaa sa 1,000 ang mga slots nga gitugot sa matag ride-hailing taxi sama sa Angkas, Joyride, ug Movelt.

Sa pakighinabi sa Superbalita Cagayan de Oro kang Konsehal Teudolfo Lao, tsirman sa komitiba sa public utility, nga nagduso na sila og resolusiyon labi na sa pagbabag niining operasiyon sa Angkas gumikan na usab kay maka-apekto kini sa modernization program sa gobyerno.

"Naa ta'y resolution gikan sa committee on public utilities, objecting the operation of Angkas even it is a dry run or under drive testing but still the City would like to object the operations of Angkas because of the modernization, the pending modernization program of our transport system in Cagayan De Oro," matud ni Lao.

Gidugang pa ni Lao nga babag sila niini ug naghangyo sa National Government nga mababagan ang operasiyon sa Angkas sa dakbayan ug naglaom nga ma-aprobahan sa kadagkoan sa nasudnong panggobyerno.

Gibutyag ni Lao nga kung walay mosupak niini, nga resolusiyon sa City Council gikan sa iyang komitiba kini nagpasabot nga mao usab kini ang baruganan sa lokal nga kagamhanan sa dakbayan.

Giingong apektado ang modernization program sa gobyerno labi na sa siyudad nga dili pa dugay nga nag-implementar.

Nakita kini nga kompetensiya tungod kay ang mga pasahero nga magdali mas pilion ang pagsakay sa Angkas ug unsaon nalang pagbayad sa mga kooperatiba labi na nga dili ikalimod nga dunay dakong kantidad kini nga mga bag-o ug modernong sakyanan.

"Kompetensiya, unsaon na lang nila pagbayad sa ilang utang lugar giutang pa ra ba na nga mga modern nga nga jeepney and vans lugar," dugang pa.

Nasayran nga nagduso usab og resolusiyon diha sa pagsupak ang P.N. Roa Canitoan Transport Cooperative pinaagi ni Lalaine Escobidal, ang transport group chairwoman ug Federation of Taxi Association sa Downtown Uptown Cagayan Misamis Oriental Transport Cooperative (FTA Ducmo Transco), pinaagi ni FTA Ducmo Transco chairman Jing Hortaleza nga dili sila mosugot nga magdagan ang angkas sa siyudad tungod kay apektado sila kaayo niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph