Nigerian ‘misuway og lugos,’ sa schoolmate, nadakpan

CEBU. Usa ka Nigerian national nga tinun-an sa usa ka unibersidad sa Dakbayan sa Sugbo ang gisikop human gipasanginlan nga nisuway og lugos sa 21 anyos nga tinun-an usab sa susamang eskwelahan. (Tampo nga hulagway)
CEBU. Usa ka Nigerian national nga tinun-an sa usa ka unibersidad sa Dakbayan sa Sugbo ang gisikop human gipasanginlan nga nisuway og lugos sa 21 anyos nga tinun-an usab sa susamang eskwelahan. (Tampo nga hulagway)

USA ka Nigerian national nga tinun-an sa usa ka unibersidad sa Dakbayan sa Sugbo sa kursong medisina gisikop human gipasanginlan sa usa ka 21 anyos nga babayeng tinun-an sa samang unibersidad.

Saysay ni Jesa (di tinuod niyang ngan) ngadto sa Abellana police station nga alas 3:20 Martes sa kaadlawon, Pebrero 18, gawas sa ilang boarding house sa dalan Urgello, Barangay Sambag, dakbayan sa Sugbo, siya mopalit unta og pagkaon.

Dihang kalit lang siya gitukmod sa suspek nga si Soky Odimgbe, 22, gigakos paghugot ug dayon gitabonan ang iyang baba.

Gidala siya sa sulod sa pansayan.

Dali nga gisukmag ni Odimgbe ang tiyan ni Jessa, gituok ang liog dungan sa paghawok sa iyang ngabil ug gikumot usab ang iyang duha ka dughan.

Nahunong lang ang gihimo ni Odimgbe sa dihang nangmata ang mga kauban sa boarding house kay nakabantay sa kasikas sa ubos.

Dali nga nisibat si Odimgbe, apan nailhan hinuon niya nga kini kay kasamtangan nga nag-abang og balay sa B. Aranas extension, Barangay Duljo Fatima, Cebu City.

Matod ni Police Major Elisandro Quijano, hepe sa Abellana Police Station, nga human sa reklamo ni Jessa, nihimo dayon sila og follow up operation uban ang iyang mga sakop ug dalaga.

Pagka alas 2 sa hapon nianang Martes, giatngan nila sa gawas sa tunghaan si Odimgbe ug sa dihang migawas sa tunghaan, gidiretso na kinig dakop ug gidala sa police station.



Kon makainom

Giingong nakainom ang Nigerian national atol sa suway niya nga paglugos sa dalaga ug matag panahon nga mahubog, motukar ang gana sa sex.

Sa miaging tuig, nabilanggo na usab kini sa Abellana police station matod ni Quijano human gireklamo sa babaying estudyante nga gihikap ang iyang dughan apan naka gawas ra usab tungod kay wa na mopadayon sa pagpasakag kaso ang biktima.

“Napriso na sad na siya sa una kay mao lagi na, basta mahubog, manghikap. Mura siyag ma maniac basta maka inom. Pero nakagawas na kay gipasaylo wala siya pasaka-ig kaso,” matod ni Quijano.

Apan ning iyang pagkasikop karon, andam nga pasakaan og kaso ni Jessa ang iyang schoolmate.

Matod ni Quijano nga nanghimakak si Odimgbe sa pasangil batok kaniya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph