SI ALIYAH Rae Lumangtad sa Tagum City maoy high school/college division champion sa pagtapos sa APM Open Students Chess Tournament nga gihimo sa Damosa Market Basket sa Lanang, Davao City.
Si second seed Lumangtad miposte og 4.5 puntos sa five-round Swiss System format competition, giunhan si third seed Honey Grace Buenafe ug top seed Wesley Jovan Magbanua, gikan sa Jose Maria College, nga nabutang sa ikaduha ug ikatulo.
Si Lumangtad mipildi sab sa kaubanang sila Juan Ryu Bagonoc sa Bukidnon, James Rhie Leigh Sullano sa University of Mindanao (UM), Jasper Tambe Pantalita sa Holy Cross of Davao College (HCDC) ug Buenafe sa unang four rounds.
Sa elementary division title nanguna si top seed James Catayas sa Davao City nga miani og 4.5 points human gipildi si Princess Diana Simbajon, Yreil Josh Hernani, Yosef delos Reyes ug Devon Artchel Lumangtad una na-draw kang Caerel Shane Mantilla. (MLSA)