Kaon ta: Trending nga pandesal

(Hulagway ni Rhona Goc-ong-Villariasa)
(Hulagway ni Rhona Goc-ong-Villariasa)



NING bag-o lang nagbaha sa akong newsfeed sa Facebook ang nagkadaiyang nawong sa pandesal nga gama sa ube.

Tuod man, paborito ko gyud na, labaw sa tanan kung kini ube jam, ube cakes, unsa na lang kaha kung ube ice cream.

Mao nga na-curious ako sa pagpanubay asa ba gyud gikan ning ube pandesal.

Sa pagpangduki-duki, giingong unang mi-hit ang Ube Cheese pandesal sa Manila, dayon mitabok na kini sa nagkadaiyang parte sa nasud.

Nganong mi-hit? Suma pa sa atong nakatsikahan nga si Aiza Enero-Dimzon, sa The Bread Bar, ug usa ka Davao-based baker nga dali lang kaayo ang paghalin sa produkto ilabi na nga all-time fave sa mga Pinoy ang pandesal ug ube.

“Pandesal is a staple food, and then kita (or at least most of us) na mga Pinoy ganahan ug ube halaya, so it was a brilliant idea to have a pandesal na gi-balance ang katam-is sa ube halaya and that yummy saltness from the cheese. Contrast yet balanced ang flavors,” niya sa Facebook chat interview.

Ni Dimzon, nga aron mas makat-on siya sa paggama sa Ube Halaya Cheese Pandesal misalmot siya og workshop sa paggama og minasa, diin usa sa bonus nga resipe nga gishare kanila ang Ube Cheese pandesal.

“True enough, lami gyud siya! So nag-share ko sa Facebook og picture nga naay bite ang pandesal, with caption the “Lamiii...” After that,daghan naman nagmessage na magorder sila. So I tried baking them since timing sad na bago lang ko nagpalit ug dough mixer that which was really intended for breads.”

Tungod sa kalami, giangkon ni Dimzon nga nagkapuliki sila sa pag-apas sa orders gikan sa mga higala ug followers nila sa Facebook nga buot motilaw sa nag-trending nga pandesal.

Tuod man, di ka kadili sa Ube cheese pandesal, tungod all-in na ang kalami niini.

Present ang paboritong pandesal nga humok kaayo, ubanan pa sa ube halaya nga wa gidaginot sa kadaghanan, labaw pa ang nagpungasi nga kadako sa cheese.

Mapasalamaton lamang si Dimzon tungod wa damha nga mi-hit ang pag-innovate nila sa pandesal, diin sa matag semana makagama sila og sobra 1500 kabuok.

“Our dough and fillings dili magdry ang dough maski i-ref or maugmaan. It stays soft and fresh. Ang filling is homemade Ube Halaya which has the right creamyness and sweetness,” ni Dimzon.

Mao nga next time sa imong pagpangape, suwayi nga ipares kini sa Ube Cheese Pandesal, aron swak ang pagpa-init sa tiyan!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph