DUHA ka mga empleyado sa Sangguniang Panlalawigan (SP) ang giingong nibaliwala sa kamandoan sa gobernador nga travel ban gawas sa nasud kong walay pagtugot gikan sa health office.
Nakadawat og taho si Gobernador Bambi Emano, sa Misamis Oriental, nga dunay mga empleyado sa SP nga mi-adto og Japan nga walay pagtugot gikan kang Misamis Oriental Provincial Health Officer head Dr. Jerie Calingasan.
Giingong human sa pagbiyahe sa maong mga empleyado, nibalik kini sa trabaho ug giingong nangayo kini og basihan nganong ipaubos sila sa self-quarantine.
Tungod niini, nasubo si Emano tungod kay tumong lamang niya mao ang protehir sa katawhan sa Misamis Oriental.
"We cannot tell them what to do. They are independent but I don't think a disease like nCoV should choose different between an executive or legislative or a judiciary because my obligation is to protect my people. It is the work of the governor and sad, the secretary himself of SP, supposedly a lawyer, should have understood the memorandum that Dr. Calingasan and I created and made," pasabot ni Emano.
Giklaro usab sa gobernador nga walay pagpamulitika niini ug nanghinaut nga lantawon kini sa board members lakip na ang legal ug human resource.
"I hope that it is understood. It's not political, believe me, because people might think it be political. No, it's not political. It's more than politics. This is the health of our people. This is a future of our people," matud ni Emano.
Niadtong niaging semana, gimando ni Emano sa tanan mga empleyado sa Kapitolyo ang dili paggawas sa laing nasud tungod sa kabalaka ug hulga sa coronavirus disease (Covid-2019).
Basi sa kamandoan sa travel ban nga kadtong gikan sa laing nasud kinahanglan usa magpaubos og 14 days nga self-quarantine.
Niadtong adlawng Lunes, usa kini sa init nga gihisgotan sa session sa SP ug gipatawag sa mayorya ang atensyon sa maong duha ka mga empleyado.