Kasong pagpangawat sa Cogon miubos

ANG Barangay Cogon sa siyudad sa Cagayan de Oro ang labing busy nga lugar sa siyudad ug kini usab kaniadto ang pinakadaghang natalang kaso sa pagpangawat o mga nakuotan.

Gikan sa bulan sa Enero 1 hangtud Pebrero 15 ning tuig, aduna na lamang lima ka mga pagpangawat ang natala.

Gibutyag ni Police Captain Ernesto Sanchez, hepe sa Police Station 2 (PS2), nga kini tungod sa ilang kanunay nga pagpahigayon og Oplan Bakal-sita matag gabii ug dunay kapulisan nga gipakatag sa mga sagad dunay krimen nga gakahitabo.

"Tungod kay we implement bakal sita every night ug naa tay police visibility [in] those crime-prone areas," matud ni Sanchez.

Gi-aghat usab ni Sanchez nga motaho gyud dayon sa ilang buhatan kung ugaling makawatan, makuotan o mabiktima sa pagpanglabi aron ila gyud dayong ma-aksiyonan.

Naghangyo usab kini sa mga mabiktima nga mopasaka og kaso ilabi na kung nasikop ang suspek ug mabalik ang gamit aron nga mapasakaan og tukmang kaso ang mga suspetsado ug dili magsalig nga makalingkawas ra gihapon sa ilang nahimong salaod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph