NAKAGAWAS na ang usa sa labing una nga batch nga gipaubos sa 14 ka adlaw nga quarantine sa mga pasilidad sa lalawigan sa Sugbo.
May 15 ka mga Persons Under Monitoring (PUM) ang anaa karon sa mga pasilidad.
Tulo niini ang gikan sa Danao, Alcoy ug Consolacion nga anaa gibutang sa pasilidad sa Pinamungajan.
Apan ibalhin kining tulo sa Cebu Provincial Women and Children Development Center (CPWCDC) kon asa kini mo padayon sa 14 ka adlaw nga quarantine.
Matod ni Dr. Cristina Gianggo pangu sa PHO nga wala makitai og simtomas ang maong PUM og ang kaubanan niini sa sulod, hinungdan nga possibleng maka gawas na sila karong Pebrero 29, 2020.
Sa Pebrero 3, 2020 miluwat Executive Order (EO No. 5) si Gobernador Gwendolyn Garcia labot sa lakang nga ipatuman batok sa novel coronavirus (COVID 2019).
Ubos sa Section 3 sa maong mando, kinahanglan nga mo agi sa 14 ka adlaw nga quarantine ang tanan nga mga Pilipino nga pasahero nga naggikan sa China og sa Special Administrative Regions nga mao ang Hongkong og Macau subay usab sa mando sa Presidente sa nasud.
Apan ang tanan nga mga pasahero nga mga Permanent Residence Visa (PRV) og anaa namuyo sa Sugbo, mahimo ra nga mag home quarantine apan musobay sa protocol nga gi-latid sa maong mando.
Samtang ang mga Pilipino nga dili residente sa Sugbo kinahanglan nga mo paubos sa quarantine sa pasilidad nga giandam sa DOH og sa lalawigan.
Sa laing bahin, usa ka resolusyon ang gipasar sa Lunes, Pebrero 17, Ppg-awhag sa tanan nga mga business og commercial establishment pag provide og 70% nga mga alcohol alang sa mga customers.
Kanunay nga pag disinfect lukop pasilidad og mga ekipo niini sama sa food carts aron malikayan ang pagkatap sa Covid-19.
Ang maong resolusyon gi pangamahanan ni Bokal Kerrie Keane Shimura sa 4th district. (ANV)