Cebu City ika-4 sa good financial housekeeping sa Central Visayas

NALAKIP sa top 5 ang Cebu City Government sa 2019 Good Financial Housekeeping (GFH) nga gipagawas sa Department of Interior and Local Government (DILG) pinaagi sa Bureau of Local Government and Supervision (BLGS).

Gipadayag ni Atty. Ian Kenneth Lucero, officer-in-charge sa DILG-Cebu City, nga makuha sa usa ka LGU ang pasidungog kon ilang mapresentar ang labing uwahing audit opinion gikan sa Commission on Audit (COA) ug pagsunod sa full disclosure policy (FDP) pinaagi sa pagpost sa financial documents sa tulo ka bantang nga lugar ug sa FDP portal.

Ang officer-in-charge sa City Treasurer’s Office, Atty. Jerone Castillo, nagpasalamat sa finance sector sa Cebu City Hall gikan sa City Budget Office, City Accounting Office ug CTO, kinsa nipakita sa ilang tinuoray nga pangalagad aron makab-ot ang pasindungog.

Samtang gihangop ni Mayor Edgardo Labella ang kalampusan. Matod niya nga kini magsilbing maayong gasa sanglit ang City Government magsaulog sa iyang ika-83 nga anibersaryo sa pagka siyudad karong Pebrero 24 ug way klase ug trabaho ang Dakbayan.

Dugang sa mayor nga kini maoy nagpamatuod nga sihag ang pagpanerbisyo sa mga kawani sa Dakbayan.

Iyang giawhag ang mga empleyado sa pagtrabaho aron maserbisyohan ang katawhan sa dakbayan.Ang Siyudad sa Sugbo maoy ika-4 sa 13 ka mga dakbayan sa Central Visayas.

Ang ikalima City of Naga ug ikaunom ang Danao City. Naa sa ikasiyam nga dapit ang Lapu-Lapu City ug Mandaue City. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph