SUPERBALITA CEBU

Super Lami Extra: Darna ug Rizal sa Manila Chocolatier

KON chocolate lover ka, angay nimong tilawan ang chocolates sa Manila Chocolatier.

Tungod kay ang panlasa sa chocolates pang Pinoy ug adunay bahid sa kultura ug kasaysayan sa nasod ang mga timpla o flavors niini.

Gipailaila sa Manila Chocolatier ang chocolate fillings nga “Cebu-inspired.” Ang Masareal nga delicacy sa Mandaue City anaa na sa collections sa Manila Chocolatier.

Pebrero 11, 2020 gilusad ni Raul Matias, chocolatier ug founder sa Manila Chocolatier, ang Masareal chocolate sa Kultura sa SM City Cebu.

Ang masareal usa ka kinaham nga delikasiya sa Mandaue City. Mao kini ang kasagaran nga dad-on nga pasalubong sa mga taga Cebu para sa ilang pamilya ug mga higala.

Karon, ang masareal gihimo na nga chocolate flavor.

Ang masareal ang ika-16 nga chocolate filling nga gidalit sa Manila Chocolatier.

Ang ubang fillings mao ang Leche Flan, Bukayo, Mango, Banana Cue, Muscovado Nougat, Salabat, Pili Nut, Lambanog, Buko Pandan, Jasmine Tea, Panotsa Caramel, Kalamansi, Barako Coffee, Ube, ug Palawan Honey.

“I want a box that cares for Philippine culture and Philippine tradition, that’s why I came up with the 15. Each icon represents the Filipino culture and history,” matod ni Matias.

Gawas sa 16 ka fillings, aduna’y unom ka flavored bars ang Manila Chocolatier--Pili Nut, Barako, Coconut, Mango, Calamansi, ug Ube.

Gikan sa Davao ang cacao nga gigamit sa Manila Chocolatier.

Di igo nga lami, malingaw usab ka og kaon niini tungod sa nagkadaiyang icons nga anaa sa chocolate fillings, sama sa Filipino fictional hero character nga si Darna, ang sikat nga kalesa, parol, jeep, ug naa pud si Jose Rizal.

Sa Manila Chocolatier, makaon na sila si Jose Rizal ug Darna.

Ang usa ka box nga adunay walo ka flavors nga imong matagamtan nagkantidad og P649.75. Maayo ni siya nga pang-sinugatan.

Ang Manila Chocolatier anaa nahimutang sulod sa tindahan nga Kultura sa SM Malls, Duty Free ug uban pa.

Tilawi ang ikaasigarbo nga tsokolate nga tatak Pinoy ug gihimo sa Pinoy!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph