SOGOD, Southern Leyte - Ika-unom nga most wanted person sa lungsod sa Sogod, Southern Leyte ang nadakpan sa kapulisan. Giila ang suspek nga si Edmundo Villa Jr, alyas Tonton, 32, usa ka negusyante. Gisikop si Villa pinasikad sa warrant of arrest sa kasong frustrated murder. Ang warrant of arrest giisyu ni Sogod, Southern Leyte Regional Trial Court Branch 39 Judge Fabio Albao. Mokabat sa P200,000 ang girekomendar nga piyansa sa korte ngadto sa suspek alang sa iyang temporaryong kagawasan. Ang operasyon gilusad human nakadwat og report ang kapulisan bahin sa nahimutangan sa suspek. (JKDP)