SUPERBALITA DAVAO

Bulldogs gikawras sa Agila

DAVAO. Ang defending champion Holy Child College of Davao (HCCD) Red Eagles, mapasigarbuhong mipakita sa ilang medalya human sa duwa. (Enolueno T. Barona Facebook)

ANG defending champion Holy Child College of Davao (HCCD) Red Eagles gipayukbo ang Rizal Memorial Colleges (RRMC), 109-84, sa ilang championship match aron mapabilin ang National Basketball Training Center (NBTC) League Davao leg nga titulo sa duwa nga gihimo, University of Mindanao (UM) Matina Gym, Martes, Pebrero 18.

Si Aljay Alloso, nga nakabaton og injury sa nakalabay nga tuig, namawi ug mikamada sa 42-puntos, butang nga siya gihatagan sa most valuable player (MVP) award.

Ang kauban niyang si Marvin Samonte midugang sab og 22 puntos sa duwa.

Si Red Eagles head coach Nestor Sorrosa, sa pakighinabi sa SunStar Davao, Pebrero 19, nagkanayon, “See-saw battle sa first quarter, adjustment period pa kay napildi mi dati sa RMC sa elimination, siguro kumpyansa kaayo sila.”

Ang beteranong coach nagkanayon nga naangkon nila ang solidong 90-74 advantage sa pagpadayon sa duwa.

“Pagdako sa among biya, sipti nami. Sigurado nami sa dula.”

Dugang niya, “Gusto jud nila mudaog. Motivated sila mudaog.”

Ang Davao City champion moabante sa Davao regional finals karong Dominggo sa UM Matina.

Ang Red Eagles moatbang sa magduduwa gikan Tagum City, Digos City ug Mati City.

Apan si Sorrosa, di buot mokumpiyansa ilabi na nga ang Tagum mipildi nila sa nakalabay nga tuig.

“Last year, daghan injured og nagsakit nga players namo. Unta tuloy-tuloy na ang maayo nilang condition. Paningkamutan namo makabawi this year.”


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph