SUPERBALITA DAVAO

Bana baho’g baba, mohagok gilayasan sa asawa

DAVAO DEL NORTE -- Daw nakabuhi sa hawla ang 22-anyos nga misis nga giingong dugay nang nag-antos sa kabaho og baba sa iyang bana kinsa kusog sab kaayong mohagok hinungdan nga iyang gilayasan didto sa probinsiya sa Agusan del Sur.

Nagpatago sa pangalang “Jane” ang misis nga nagtrabaho sa usa sa mga balay kalingawan sa nahisgutang probinsiya ug nagkanayon sa dihang nahinabi sa Superbalita sulod sa gitrabahoang bar nga wa na niya maantus ang lalaking gipakaslan ug gikaipon sulod sa tulo ka tuig sanglit nga gawas nga kusog mohagok, baho pa kini’g baba kay palahubog og tuba. Gawas pa niini, pasakitan sab siya ilabi na kon mahubog.

Dugang gibutyag ni Jane nga ang pakigminyo niya sa iyang bana, pinugos lang sanglit kagustohan sa iyang ginikanan nga makasal siya niini sa pagtuo nga magmalipayon siya sa kiliran nga maguwang kaniya og 28 ka tuig ug usa ka biyudo nga dunay lima ka mga anak sa naunang duha ka mga babaye nga gikaipon nga namatay na.

Nagtuo si Jane nga kung wa siya milayas, mahisama siya sa naunang duha ka mga babaye nga gikaipon sa iyang bana nga namatay sa problema ug pag-antus.

Pangandoy ni Jane nga moasenso, luyo sa kasamtangang trabahong gisudlan, ug malaumon nga makaplagan ang lalaking tinud-anay nga magmahal ug magpangga kaniya unya andam nga modawat kon unsa siya karon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph