DEPENSAAN ni Brandon Vera ang iyang ONE heavyweight world title batok sa Canadian nga si Arjan Bhullar sa ONE Infinity 2 sa Manila karong Mayo.
Si Vera, kinsa naghupot sa titulo sukad pa niadtong Disyembre 2015, ang mosuway pagdepensa sa ikatulong sunodsunod nga higayon.
Tinguha ni Vera nga makabawi sa iyang kapildihan ni Aung La N Sang sa dihang nahimo siyang challenger niini sa ONE light heavyweight belt sa ONE: Century sa niaging Oktubre 2019.
Subay niini, si Bhullar lab-as pa sa iyang unang kadaugan sa ONE Championships bastok ni Mauro Cerilli. Gipildi sa Canadian fighter si Cerilli pinaagi sa unanimous decision sa ONE: Century.
Si Cerilli maoy pinakauwahing challenger sa titulo ni Vera diin sulod lang sa usa ka minuto sa first round gi-knockout siya sa 42 anyos nga Fil-Am fighter niadtong Nobiyembre 2018. (JBM)