MANAGSUOG Ravena, Kiefer ug Thirdy, uban ni CJ Perez maoy nag-una sa 12 nga milangkob sa Gilas Pilipinas alang sa Fiba Asia Cup 2021 qualifier match batok sa Indonesia.
Gawas kang Kiefer nga maoy team captain, ug Perez, ang laing pito ka mga PBA players nga nalakip sa line-up mao sila si Roger Pogoy, Troy Rosario, Poy Erram, Justin Chua, ug Abu Tratter.
Ang mikompleto sa team mao sila si Juan Gomez De Liano, Isaac Go, Dwight Ramors ug Matt Nieto.
Si Javee Mocon maoy bugtong PBA player nga wala malakip sa final 12 apan siya ang usa sa tulo nga nabutang sa reserves uban nila ni Jaydee Tungcab ug Rey Suerte.
Si Gilas interim coach Mark Dickel maoy mianunsiyo niini human sa ilang ensayo niadtong Miyerkules sa gabii human sa ilang praktis sa Meralco gym.
Gibutyag ni Dickel nga dili sayon ang pagpili sa 12 ilabi na kay gusto sa Samahang Basketball ng Pilipinas nga mahashasan ang mga batan-ong potensiyal alang sa 2023 Fiba Basketball World.
Si Dickel, sa iyang bahin, mihangop usab sa kombinasyon sa mga beterano nga may igong eksperiyensiya ug sa mga batan-on nga adunay igong kalidad.
“We felt that the PBA players that we picked gave us a really, really good base to build off. And then the other younger players can complement them. That was the decision that was made. That’s why we made it. We feel that this will give us the best chance in this window to do well,” matod ni Dickel nga nakutloan sa Spin.ph.
Mapasalamaton usab ang presidente sa Samahang Basketbol ng Pilipinas (SBP) nga si Al Panlilio ngadto sa mga PBA teams nga mipahuwan sa ilang mga players ug coaching staff nga molangkob sa Gilas.
“The SBP extends its appreciation to all the players who were part of the pool for all the hard work they put in. We also thank the PBA teams that selflessly released the players requested by our coaching staff,” padayag ni Panlilio sa iyang press statement.
Si Pogoy sa iyang bahin, mihangop sa iyang paghilakip og balik sa Gilas.
Sa interview sa SunStar-Cebu, siya miingon, “Lipay kaayo ko na natawag na sad ko sa Gilas kay always jud na dream nako na muduwa sa Gilas.”
“Ipalayo sa ang mga garbo na star player sa lain-lain na team. Kailangan team work gyud,” dugang sa lumad nga taga dakbayan sa Talisay. (JBM)