SUPERBALITA CEBU

Editoryal: Maluka ang narco politics

Editorial Cartoon by Josua Cabrera

ANG Dakbayan sa Talisay dugay nang dunay dakung suliran sa illegal drugs. Daghan na nga administrasyon ang nangagi, apan way nakahimo sa pagsumpo sa illegal drugs sa pipila ka mga dapit sa dakbayan, sama sa Tangke, Tabunok ug San Roque.

Gani, tungod sa illegal drugs, nahimong lublobanan sa mga kriminal ang siyudad. Daghan na ang mga gun-for-hire nga nagtago sa Dakbayan sa Talisay. Mga hungihong nangtumaw nga duna nay mga narco-politician sa siyudad. Sa pag-asumer ni Presidente Rodrigo Duterte sa katungdanan, dunay mga taga Talisay nga opisyal iyang ginganlan. Duna na gani gipamatay.

Ning uwahi, si Duterte mitumbok sa Talisay nga lugar sa Sugbo nga grabe gihapon ang problema sa illegal drugs bisan gihugpaan na sa kapulisan ang dapit.

Karon sa administrasyon ni Mayor Gerald Anthony Gullas, Jr., gitinuod na niya og maayo ang problema, labina human sa pagpamulong ni Duterte.

Ang pagkasikop sa kanhi sa barangay tanod sa Lawaan 3 ug sa iyang anak di na angay ikahibung pa kay ang usa sa mga anak sa kanhi opisyal, gilambigit sa dakong illegal drug operation, puli sa gikaintapang giingong drug lord nga si Steve Go.

Si Girlie Luage, kinsa napatay sa kapulisan niadtong 2019 anak ni Francisco Luage, kanhi chief tanod sa Lawaan 3 nga nadakpan uban sa iyang anak nga Sangguniang Kabataan chairman. Si Girlie giingong nipuli kang Go.

Hinaut pa nga ning paghingusog sa kapulisan sa anti illegal drug operations, mapuo o maminusan nag maayo ang illegal drugs, labina ang narco-politicians sa siyudad. Masustener ang kampanya, labina sa Tangke ug Mananga nga gilubloban sa mga kriminal.

Kay kining krimen ug drugas magkuyog man, ang pagkalimpyo sa mga durugista sa siyudad dako og papel sa kampanya batok sa krimen ug maluka ang gamot sa narco-politics sa siyudad nga nakalawom sa nangaging katuigan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph