DI NA unya mahimong lisod alang sa mga batan-on ug tinun-an sa lungsod sa Balamban pagtungha human sa pagtukod sa duha ka andana nga edipisyo sa tunghaan nga mao ang Cebu Technological University - Balamban campus.
Sa Pebrero 15, 2020 gipangulohan ni Gobernador Gwendolyn Garcia, Bokal John Ismael Borgonia ug Mayor Alex Binghay ang groundbreaking ceremony sa P25 milyones nga proyekto.
Ang edipisyo gitukod sa 1.5 hektaryang luna nga anaa sa Barangay Cantuod sa nahisgutang lungsod.
Ang pagtukod sa eskwelahan giduso ni Gobernador Garcia sa dihang siya kongresista pa sa ika-tulong distrito.
Kini naumol alang sa edukasyon sa mga tinun-an sa distrito nga maka kolehiyo. (ANV)